Fatazdymak prezidenta Francyi Fransua Alanda, na jakim jon paziruje ŭ tradycyjnym kazachskim kaściumie razam z Nursułtanam Nazarbajevym, vyklikaŭ burnuju reakcyju karystalnikaŭ Internetu.
Zdymak, na jakim francuzski prezident staić u futry i šapcy, byŭ zrobleny aficyjnym fatohrafam prezidenta Kazachstana Nursułtana Nazarbajeva padčas sustrečy dvuch kiraŭnikoŭ dziaržaŭ u Astanie i raźmieščany na staroncy pres-słužby Nazarbajeva ŭ Instagram. Niahledziačy na toje, što na nastupny dzień fatahrafija była vydalenaja, zdymak paśpieŭ imkliva raspaŭsiudzicca ŭ Internecie.
Pavodle paviedamleńniaŭ francuzskich ŚMI, źjaŭleńnie dadzienaha kadra ŭ siecivie było davoli niehatyŭna ŭspryniata ŭ Jelisiejskim pałacy.
A voś Internet-karystalnikam u Francyi zdymak naadvarot, vielmi spadabaŭsia: im padaŭsia vielmi śmiešnym vyhlad francuzskaha prezidenta ŭ kazachskaj nacyjanalnaj vopratcy.
Tamu vielmi chutka naradziłasia cełaja proćma raznastajnych kałažoŭ i miemaŭ z vykarystańniem dadzienaj fatahrafii Alanda.
Varta adznačyć, što ŭ adpaviednaści z kazachskimi narodnymi tradycyjami ŭbor hościa ŭ kaścium, jaki składajecca z chałata (pa-kazachsku «čapan») i šapki («boryk»), źjaŭlajecca znakam asablivaj pavahi da jaho. Da taho ž vysokapastaŭlenyja čynoŭniki davoli časta ŭ chodzie aficyjnych mierapryjemstvaŭ za miažoj prymajuć udzieł u cyrymonii fatahrafavańnia ŭ nacyjanalnych kaściumach.
Taksama treba dadać, što ŭ chodzie dvuchdzionnaha vizitu ŭ Kazachstan, jaki adbyŭsia 5-6 śniežnia, Fransua Aland abmierkavaŭ z prezidentam krainy Nursułtanam Nazarbajevym pytańni mižnarodnaj palityki i dvuchbakovaha supracoŭnictva ŭ šerahu roznych halin. Lidery dźviuch krain taksama pryniali ŭdzieł u cyrymonii adkryćcia instytuta «Sarbona-Kazachstan» u Ałma-Acie. Da taho ž na zvarotnym šlachu ŭ Paryž Aland zrabiŭ karotki prypynak u Maskvie i va ŭradavym aeraporcie Unukava-2, dzie pravioŭ sustreču z prezidentam Rasii Uładzimiram Pucinym.
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku1
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary