Žonka pres-sakratara rasijskaha prezidenta, fihurystka Taćciana Naŭka padčas svajho vajažu ŭ Paryž zakupiła zabaronienyja ŭ Rasii «sankcyjnyja» pradukty — kaŭbasy i syry.
U svaim Instagram Naŭka vystaviła fatazdymak na fonie kirmašovych handlovych namiotaŭ na Jelisiejskich Palach i iranična padpisała jaho: «Karystajučysia vypadkam, zakupiła na Kaladnym kirmašy, zabaronienuju dla impartu ŭ Rasiju syrnuju i kiłbasnuju pradukcyju, biednych francuzskich fiermieraŭ».
Na zdymku spartsmienka trymaje ŭ adnoj ruce važki pakiet z pakupkami, a ŭ druhoj stakančyk z haračym hlintviejnam, jaki ŭ zimovym Paryžy pradajuć na kožnym vuhłu.
Znak.com piša, što adnosiny prezidenckaha pres-sakratara Dźmitryja Piaskova i Taćciany Naŭki doŭhi čas byli «sakretam Pališynela»: pra ich viedali mnohija, ale aficyjna para nie davała hety kont nijakich kamientaroŭ. Try miesiacy tamu ŭ Naŭki i Piaskova naradziłasia dačka Nadzieja. 29 listapada para vyrašyła rassakrecicca i źjaviłasia na adkryćci katka na Krasnaj Płoščy: Navka i Piaskoŭ pryjechali razam i nie chavali svaich stasunkaŭ.
Dadamo, što Taćciana Naŭka naradziłasia ŭ 1975 h. u Dnieprapiatroŭsku, a ŭ 1990-ch vystupała za Biełaruś u fihurnym katańni, z 1998-ha vystupaje za Rasiju.
Ciapier čytajuć
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ2
Kamientary