Razhlad spraŭ aryštavanych 11 śniežnia ŭ Italii fanataŭ futbolnaha kłuba «Dynama» (Minsk) adbudziecca 15 červienia 2015 hoda, paviedamiŭ biełaruski MZS na svajoj staroncy ŭ tvitary.
«Pravamiernaść aryštu zaŭziataraŭ orhanami pravaparadku 11.12 sud paćvierdziŭ, ale z pryčyny adsutnaści sacyjalnaj niebiaśpieki jany vyzvalenyja… Jak paviedamiŭ supracoŭnik ambasady z zały suda, biełaruskija zaŭziatary mohuć pakinuć terytoryju Italii… Pakolki abvinavačvańnie nastojvaje na najaŭnaści dokazaŭ pravaparušeńnia, novaje sudovaje pasiedžańnie pryznačanaje na 15.06.2015», — rastłumačyŭ MZS.
Supracoŭnik konsulskaha adździełu biełaruskaj ambasady ŭ Italii byŭ nakiravany ŭ Fłarencyju dla akazańnia konsulskaj dapamohi zatrymanym. Jon prysutničaŭ u miascovym Pałacy pravasudździa, dzie 12 śniežnia razhladalisia spravy fanataŭ. Byŭ zabiaśpiečany pierakład.
Usiaho pierad matčam Lihi Jeŭropy «Fijarencina» (Fłarencyja) — «Dynama» (Minsk) byŭ zatrymany 61 zaŭziatar kamandy haściej. 48 ź ich zabaroniena naviedvańnie futbolnych matčaŭ na terytoryi Italii na praciahu piaci hadoŭ. Astatnim 13 pahražaje bolš surovaje pakarańnie.
Incydent adbyŭsia paśla taho, jak biełaruskija fanaty, jakija sabralisia ŭ adnym z fłarentyjskich pabaŭ, admovilisia sieści ŭ aŭtobusy, jakija pavinny byli ich dastavić na stadyjon, i pasprabavali pravieści šeście pa vulicach horada. U vyniku sutyknieńniaŭ paciarpieli šeść karabinieraŭ, adzin aficer palicyi i niekalki fanataŭ.
Usiaho na hulniu prybyło bolš za 220 fanataŭ «Dynama». Matč zaviaršyŭsia siensacyjnaj pieramohaj biełaruskaha kłuba - 2:1.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary