Staršynia Tavarystva biełaruskaj movy Aleh Trusaŭ paviedamiŭ «NN», što Kanhres za niezaležnaść, inicyjavany TBM i Radaj intelihiencyi, maje adbycca 21 śniežnia (niadziela). Pačatak a 11:00.
«My ŭžo znajšli i apłacili pamiaškańnie— heta zała ŭ hateli «Viktoryja», — paviedamiŭ Trusaŭ.
Aleh Trusaŭ nie raskryŭ kolkaść delehataŭ Kanhresa, ale zaachvociŭ prymać udzieł u Kanhresie:
«Zała zdolnaja ŭmiaścić 300 čałaviek, a my spačatku raźličvali na zału siadziby BNF, što moža ŭmiaścić maksimum 100. Tamu zaraz u apošnija dni pačalisia dadatkovyja vyłučeńni pradstaŭnikoŭ hramadzian. Tamu možna sabrać 10 podpisaŭ, kab stać pradstaŭnikom hramadzian. Dla hetaha treba ŭziać na siadzibie BNF ci TBM, pratakoł nadrukavany ŭ haziecie «Naša słova», ci źmieščany na sajcie TBM».
Akramia pradstaŭnikoŭ hramadzian u kanhresie ŭdzielničajuć i siabry arhkamiteta, siarod jakich Miečysłaŭ Hryb, Radzim Harecki, Michaił Pastuchoŭ, Uładzimir Kołas, Ryhor Kastusioŭ, Anatol Viarcinski, Lavon Dziejka. Trusaŭ taksama adznačyŭ, što na Kanhresie buduć pradstaŭleny ŭsie vobłaści Biełarusi.
«Na Kanhresie płanujecca pryniaćcio manifiest, a potym jaho padpisańnie.
My płanujem abvieścić kanhres pastajanna dziejučaj hramadskaj inicyjatyvy, jaki budzie źbiracca pa miery nieabchodnaści, kab abmiarkoŭvać važnyja pytańni našaj niezaležnaści. My chočam zrabić kanhres pastajanna dziejučaj hramadskaj inicyjatyvaj, a nie sabralisia — raźbiehlisia. I kali nas padtrymajuć, my zapuścim nastupnaje pasiadžeńnie Kanhresa praź niekalki miesiacaŭ. Raz u try miesiacy my budziem abmiarkoŭvać pytańni, vyniesienyja ŭ manifiest i prymać asobnyja rezalucyi pa hetych pytańniach. Takim čynam my chočam naładzić suviaź hramadzian z elitaj, bo partyi akazalisia ŭ hetym płanie słabyja. My pahladzieli: pa Biełarusi ŭ 50 rajonach akazałasia ŭsio začyščana. I my chočam pastupova ŭsie rajony achapić», — patłumačyŭ Trusaŭ.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary