Piotr Parašenka raźličvaje na adnaŭleńnie intensiŭnaści minskich pieramovaŭ. Pra heta jon zajaviŭ siońnia na sustrečy z Alaksandram Łukašenkam, pieradaje karespandent BiełTA.
Kiraŭnik ukrainskaj dziaržavy źviarnuŭ uvahu na značnaść sustreč u Minsku. «Dziakujučy našamu z vami efiektyŭnamu ŭzajemadziejańniu siońnia ŭžo ŭ historyju dypłamatyi ŭvajšli terminy «minski farmat», «minski miemarandum», «minski pratakoł» i «minskija damoŭlenaści». Uvieś śviet siońnia kaža, što jany źjaŭlajucca asnovaj mirnaha płana prezidenta Parašenki i asnovaj mirnaha pracesu va Ukrainie. Jany pryznanyja AAN, Jeŭrapiejskim sajuzam, krainami vialikaj dvaccatki i faktyčna źjaŭlajucca biezalternatyŭnaj madellu deeskałacyi situacyi na častcy terytoryj Danieckaj i Łuhanskaj abłaściej», — skazaŭ prezident Ukrainy.
Piotr Parašenka padziakavaŭ Łukašenku za atrymanuju unikalnuju mahčymaść dyjałohu trochbakovaj kantaktnaj hrupy dla vyrašeńnia nadzionnych prablem.
Jon taksama asobna padziakavaŭ za vyraznuju pazicyju Biełarusi z nahody suvierenitetu, terytaryjalnaj cełasnaści i niezaležnaści krainy.
«Spadziajusia, što ŭ vyniku našaha dyjałohu my i minskija sustrečy, i ich intensiŭnaść adnovim», — skazaŭ Parašenka.
Jon źviarnuŭ uvahu na ciopły i družalubny charaktar adnosin jak pamiž dźviuma krainami, tak i pamiž prezidentami. Havoračy ab siońniašniaj sustrečy ŭ Kijevie, jon adznačyŭ, što paradak dnia šyroki, ŭklučaje i pytańni ekanamičnaha supracoŭnictva, kaardynacyi dziejańniaŭ u mižnarodnych arhanizacyjach, pytańni ŭzajemadziejańnia ŭ śfiery biaśpieki, pytańni finansavaha supracoŭnictva.
Pavodle jaho, «jość dastatkova surjoznyja vykliki, na jakija my pavinny rychtavać skaardynavanyja adkazy».
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara37
Kamientary