Rasija pracuje nad stvareńniem patencyjału, jaki dazvolić joj pahražać niekalkim susiedziam adrazu ŭ maštabie taho, što ciapier adbyvajecca va Ukrainie, zajaviŭ vysokapastaŭleny amierykanski hienierał.
Hienierał-lejtenant Ben Chodžes, kamandujučy vojskami armii ZŠA ŭ Jeŭropie, skazaŭ ahienctvu Rojterz, što pakul nie bačycca niepasrednaj pahrozy napadu na inšaha susieda Rasii, bo ruki Maskvy całkam zaniatyja va Ukrainie na dadzieny momant.
Ale heta moža źmianicca za niekalkich hadoŭ, kali madernizacyja ŭzbrojenych siłaŭ daść prezidentu Pucinu mahčymaść ažyćciaŭlać da troch apieracyj typu krymskaj adnačasova, biez praviadzieńnia dadatkovaj mabilizacyi, jakaja b dała Zachadu čas, nieabchodny dla adkazu.
«Na siońnia jany naŭrad ci mohuć dziejničać na troch kirunkach adnačasova biez mabilizacyi. Jany mohuć dziejničać na adnym kirunku biez mabilizacyi. Ale ja dumaju, što praz 4—5 hadoŭ heta źmienicca», — skazaŭ Chodžes.
«Viadoma, praź bližejšyja čatyry-piać hadoŭ jany buduć mieć mahčymaść pravodzić apieracyi va Uschodniaj Ukrainie, i cisnuć na Bałtyju, i cisnuć u Hruzii adnačasova, i dziejničać na inšych kirunkach bieź nieabchodnaści pravodzić poŭnuju mabilizacyju», — adznačyŭ hienierał.
«Pakul uvaha ruskich zasiarodžana na Ukrainie, — skazaŭ Chodžes. — Ja dumaju, što krainy pa pierymietry Rasii majuć dva ci try hady, kab padrychtavacca, pierš čym jany mohuć stać mišeńniu».
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach6
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary