Jak buduć infarmatyzavać minčukoŭ: prahrama harsavieta
Na nacyjanalnym pravavym internet-partale apublikavanaja zaćvierdžanaja Minskim haradskim savietam 17 kastryčnika 2014 hoda Prahrama infarmatyzacyi horada Minska na 2014-2015 hady.
Prahrama infarmatyzacyi biełaruskaj stalicy ŭžo ŭstupiła ŭ siłu, kantrol za jaje vykanańniem uskładzieny na adździeł pa haradskoj haspadarcy, transpartu i suviazi.
Adzin z asnoŭnych napramkaŭ u prahramie raboty – raźvićcio sacyjalnaj śfiery, piša BIEŁTA.
Realizacyja prahramy dazvolić źnizić zatraty, aptymizavać pracu, skaracić zatraty na papiarovy dakumientazvarot i kolkaść rabotnikaŭ, zadziejničanych u pracy z «papierami».
Užo zavieršany etap aŭtamatyzacyi pracesu stvareńnia i viadzieńnia źviestak ab pacyjentach ustanoŭ achovy zdaroŭja Minska. Heta dazvolić u bližejšym časie sfarmavać aŭtamatyzavanuju elektronnuju ambułatornuju miedycynskuju kartu, stvaryć adzinaje infarmacyjnaje asiarodździe dla stacyjanarnych i ambułatornych pacyjentaŭ stalicy.
Pierad sistemaj adukacyi stavicca zadača madernizacyi techničnaj infrastruktury. Samaje zapatrabavanaje – elektronnyja smart-karty dla ŭliku spaźnieńniaŭ i propuskaŭ dy času karystańnia kampjutaram i internetam dla administracyi, elektronnaja biblijateka dla nastaŭnikaŭ, elektronny kašalok dla apłaty charčavańnia vučnia dla baćkoŭ. Uvaha nadajecca prajektu «Razumnaja škoła», što daść pastajanny dostup da elektronnych adukacyjnych resursaŭ choć doma, choć u darozie z mabilnaj pryłady.
Raźvićcio infarmacyjnych sistem zapłanavanaje dla ŭstanoŭ kultury, užyvańnie infarmacyjnych technałohij – dla ustanoŭ sportu i turyzmu, u tym liku dziciača-junackich škoł alimpijskaha reziervu. Dla Minharvykankama zapłanavanaje stvareńnie elektronnaha dakumientaabarotu va ŭłasnaj sistemie i intehracyja ź mižviedamstviennaj sistemaj. Važnym składnikam nazyvajecca abarona infarmacyi.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio17
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary