Čarhovy Tydzień biełaruskaj kuchni projdzie ŭ restaranach i kaviarniach Minska z 16 pa 22 lutaha, paviedamili ŭ hałoŭnym upraŭleńni spažyvieckaha rynku Minharvykankama.
U kulinarnaj akcyi prymuć udzieł 27 abjektaŭ hramadskaha charčavańnia. Padčas Tydnia biełaruskaj kuchni kaviarni i restarany prapanujuć svaim naviedvalnikam pakaštavać sieladcovyja hrenki koštam Br35 tys., boršč pa-vilensku za Br25 tys., rybu pad śmiatannym sousam z prypuščanaj harodninaj (Br65 tys.), śviny kumpiak u ślivavym soŭsie z bulbianym piure (Br85 tys.) i kisiel z žuravin (Br15 tys.).
U kulinarnaj akcyi biaruć udzieł 27 abjektaŭ hramadskaha charčavańnia:
Pieršamajski rajon:
restaran «Vasilki»;
Maskoŭski rajon:
kafe «U haspadyni», restaran «Minsk», restaran «Pravans», restaran «Haściny dvor»;
Zavadski rajon:
restaran «Turyst», kaviarnia «Tradycyi»;
Frunzienski rajon:
restaran «Hubiernia», restaran «Vasilki», kaviarnia «Imbir»,kaviarnia «Hrynki»;
Saviecki rajon:
restaran «Staryja tradycyi», restaran «Vasilki», kaviarnia «Syty tata»
Kastryčnicki rajon:
kaviarnia«Stary dvor», restaran «Vasilki»,kaviarnia «Čkałaŭkafe», restaran «Razdolle»;
Leninski rajon:
restaran «Kružki», restaran «Vasilki»;
Partyzanski rajon:
kaviarnia «Biarozka», kaviarnia «Skif», kaviarnia «Miadźviedžy kut», kaviarnia «Šlachiecki majontak», kaviarnia «Saturn»;
Centralny rajon:
kaviarnia «Karčma na Parkavaj», kaviarnia «Maja darahaja».
Tydzień biełaruskaj kuchni pravodzicca ŭ Minsku pa inicyjatyvie hałoŭnaha ŭpraŭleńnia spažyvieckaha rynku Minharvykankama i pry padtrymcy hramadskaha abjadnańnia biełaruskich kucharaŭ «Supołka kucharaŭ». Zhodna z praviłami akcyi, usie jaje ŭdzielniki pavinny trymacca adnolkavych cen i receptury. Papiarednija Tydni biełaruskaj kuchni prajšli ŭ stalicy ŭ vieraśni i śniežni 2013 hoda, a taksama ŭ lutym-sakaviku, žniŭni i listapadzie 2014-ha.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy21
Kamientary