U biełaruskich kramach źjaviłasia marožanaje sa smakam dranikaŭ. Spadabałasia nie ŭsim
U biełaruskich kramach ciapier pradajecca płambir «Bulbiany dranik z vodaram vanili» — niezvyčajnaje spałučeńnie sałodkaha desiertu i tradycyjnaj biełaruskaj stravy. Navinka ŭžo vyklikała sprečki ŭ sacsietkach.
Raniej hety pradukt vychodziŭ abmiežavanaj sieryjaj, ale ciapier jaho vypusk naładziŭ staličny vytvorca.
Upieršyniu niezvyčajny smak byŭ pradstaŭleny letam 2025 hoda pad brendam Milk Republic. Tady marožanaje vypuścili abmiežavanaj sieryjaj u rehijonach, dzie kampanija tolki raspačynała pracu. Vytvorca zajaŭlaŭ: kali navinka spadabajecca pakupnikam, jaje zrobiać pastajannaj.
Ciapier pravy na vypusk vykupiŭ Minski choładakambinat №2. Pavodle vodhukaŭ błohieraŭ, marožanaje maje sałanavaty prysmak z notkami cybuli i ckvarak, što sapraŭdy nahadvaje tradycyjny dranik. Sam płambir — sałodki i śmietankovy, a «dranikavy» vodar najpierš adčuvajecca ŭ vafielnaj častcy.
Adnak reakcyja pakupnikoŭ nieadnaznačnaja. Jany adznačajuć:
«U pryncypie zvyčajny płambir, ale kali adkryvaješ upakoŭku, adčuvaješ pach dranikaŭ. Usia «dranikavaść» u vafli — spałučeńnie sałodkaha i salonaha. Mnie nie spadabałasia».
Karystalniki treds pieravažna pastavilisia da navinki krytyčna. «Nie ryzyknu. Lepš źjem dranik», — adznačaje karystalnik. Ale pakaštavać novy smak chočuć mnohija.
U «Karonie» marožanaje kaštuje 2,21 rubla, u «Jeŭraopcie» — 2,29 rubla.
Raniej Minski choładakambinat №2 užo ekśpierymientavaŭ ź niezvyčajnymi smakami — vypuskaŭ navahodniaje marožanaje z imbirnym piernikam i sa smakam višniovaha hlintviejnu.
Ci pryžyviecca marožanaje z dranikami, pakaža popyt. Pakul ža biełarusam prapanujuć vybar: źjeści hetuju stravu haračaj albo chałodnaj.
Ciapier čytajuć
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi14
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary
Ach, chalera, abrabavali !