U 150 pradprymalnikaŭ zabirajuć budynak HC «Halereja»

Układzienyja ŭ budaŭnictva budynka hrošy abiascenilisia, inviestar — amal bankrut, a dziaržava hatova adabrać hatovy abjekt.

Situacyja vakoł novaha handlovaha centra «Halereja» (taksama viadomy jak «Impuls-2») abvastrajecca: paśla hoda z pałovaj błukańniaŭ pa kabinietach ludzi atrymali kančatkovy adkaz ad novaha ministra pramysłovaści: praz tydzień sprava budzie pieradadziena ŭ sud, a značyć, ni handlovych płoščaŭ, ni svaich hrošaj pradprymalniki chutčej za ŭsio ŭžo nie ŭbačać. Pra heta charter97.org raspavioŭ adzin z paciarpiełych Uład.

— Učora ŭ nas była sustreča ź ministram pramysłovaści Vitalom Voŭkam. I kali da hetaha była sustreča z kiraŭnikom Dziaržaŭnaha kamiteta pa majomaści Jaŭhienam Kapčanom, dzie viałasia havorka pra toje, kab unieści dolščykaŭ ŭ inviestycyjny dahavor trecim bokam, to zaraz ministr pramysłovaści ahučyŭ, što jon hetaha rabić nie budzie, i ŭ vyniku ŭsia naša razmova źviałasia da taho, što ŭ ministerstvie skazali, što jany buduć padavać u sud na skasavańnie inviestycyjnaha dahavora.

— Što heta budzie značyć dla vas na praktycy?

— Na dadzieny momant usie našy układzienyja 5-10 hadoŭ tamu hrašovyja srodki ŭžo całkam abiascenilisia. Heta značyć viartańnie hrošaj tut prosta nieprymalnaje. Da siońniašniaha momantu my mahli patrabavać vykanańnia našaha dahavora, to bok, pieradačy nam handlovych miescaŭ. U suviazi z tym, što inviestycyjny dahavor budzie skasavany, situacyja viartajecca ŭ 2005 hod. Heta značyć, uvieś budynak zastajecca ŭ zavoda MVAVT, a našamu inviestaru «Fart-Plus» viartajucca srodki. Jakija srodki? U jakoj valucie? Atrymlivajecca, my naohuł ničoha nie atrymajem, tamu što heta nastolki doŭhaja i zabłytanaja schiema. Spačatku zavod pavinien zabrać budynak, pradać jaho, potym hetyja hrošy ad inviestara pavinny pastupić u biudžet, ź biudžetu jany pavinny pastupić na rachunak našaha inviestara — kali da hetaha momantu naš inviestar naohuł budzie isnavać, u čym my vielmi sumniavajemsia — i tolki potym inviestar pačnie pahašać usie svaje zapazyčanaści: pierad nami, pierad bankam i pierad svaimi astatnimi kredytorami.

— Heta značyć, vas kinuli?

— Heta kali kazać miakka. Takoha navat słova niama, kab apisać, što z nami zrabili. My pryjšli na apošniuju sustreču i sutyknulisia z tym, što ministr pramysłovaści nam pačynaje zadavać dziŭnyja pytańni: maŭlaŭ, z kim u nas damovy — z «Fart-Plusam» abo z zavodam? Heta značyć jon pieršapačatkova biare — i adsoŭvaje nas u inšy bok, maŭlaŭ, vy tut naohuł nichto, z vami razmovy nie budzie nijakaj, viadzicie inviestara. Inviestar naš tudy nie idzie. Atrymlivajecca, što my nie prosta ŭ zamknionaj prastory, a my pamiž mołatam i kavadłam. Naš inviestar nie moža naładzić supracoŭnictva z zavodam, a zavod naładžvać z nami supracoŭnictva navat nie dumaje. Učora było dakładna skazana: padavajcie ŭ sud. Na heta dadzieny tydzień. Kali inviestar nie pačynaje płacić hrošy na adnaŭleńnie dakumientacyi, to jany iduć i padajuć pazoŭ ab skasavańni inviestycyjnaha dahavora.

— Jakimi mietadami vy źbirajeciesia zmahacca?

— My try razy zapisvali zvaroty da Łukašenki. Try razy! Jość dumka zapisać čaćviorty. Ale kali try papiarednija prosta prajšli marna… I z kožnym zvarotam my składali dakumient, zajavu na imia Łukašenki z prośbaj dapamahčy i ŭmiašacca. Kožnuju zajavu padpisvaje bolš za sto čałaviek. My ich adpraŭlajem u Administracyju. I ŭsie hetyja zajavy u momant, biez razhladu adpraŭlajucca ŭ kamitet Dziaržkammajomaści.

— Dyk moža, Łukašenka daŭno ŭ kursie, i jaho heta absalutna zadavalniaje?

— Zastajecca nadzieja, što heta nie tak. Ja vieru ŭ toje, što jon nie ŭ kursie kankretna pra nas, a tolki pra situacyju ŭ cełym. Jak ja razumieju, jość rašeńnie Łukašenki ab realizacyi ŭsiaho kvartała ŭ cełym, i hetyja padnačalenyja chočuć ad nas niejak pa-chutkamu pazbavicca, kab vykanać hetaje rašeńnie. Ja dumaju, jon nie moža być u kursie i tak z nami abychodzicca. Nu ŭjavicie: 150 čałaviek faktyčna i praktyčna kupili budynak — jość kvitancyi, damovy, usio zroblena absalutna zakonna! Usie hrošy pastupili na rachunki firmy.

— Budynak ža vaš užo hatovy. Što pieraškadžaje addać jaho vam u karystańnie?

— Jon aficyjna nie zdadzieny. Ale paradoks u tym, što jon jość! Budynak isnuje. Ale kali my siadzieli ŭ kabiniecie ministra, tam ža siadzieła čałaviek 10 ź jaho «śvity» — my sprabavali im dakazać, što budynak jość, a jany nie vieryli! Ujaŭlajecie? Ministr pramysłovaści mnie kaža: dyk budynka niama! Na što my jamu: niama techpašparta — niama i budynka? Jon — nu, tak. Heta značyć, my hladzim na biełaje, nazyvajem heta čornym — a vy rabicie, što chočacie. Paśla hetaha ŭ nas była paŭza: my nie viedali, jak dalej ź imi havaryć i vybudoŭvać dyjałoh u hetym kirunku. Adzinaje rašeńnie, na jakoje my ich zmahli ŭhavaryć — heta kab u sud padavali nie zaŭtra, a pačakali tydzień, dali inviestaru čas. Ale my vydatna razumiejem, što našamu inviestaru hrošaj uziać niama dzie. Jany faktyčna i praktyčna źjaŭlajucca bankrutami. Adziny šlach uziać ź ich hrošy — heta prymusić ich uziać hrošy z nas, dolščykaŭ. Heta značyć, my i tak siadzim na hetaj «ihle», a nas jašče dalej raskručvać na toje, kab my znoŭ i znoŭ davali im hrošy. Prytym, što havorki pra niejkija harantyi z boku ministerstva pramysłovaści, jak adkaznaha pa rašeńni Łukašenki viedamstva, niama. Navat kali praciahniecca finansavańnie, ab pieradačy budynka inviestaru i nam našych paviljonaŭ nichto navat i havorki nie viadzie. Na dadzieny momant idzie razmova ŭ klučy: dajcie hrošaj, kab zaviaršyć budynak, a dalej pahladzim.

— Uvohule, ułady tolki stvarajuć bačnaść dyjałohu, a na spravie «voz i ciapier tam».

— Tak, faktyčna, raśsiekčy hety vuzieł nichto z čynoŭnikaŭ nie sprabuje. Ni staršynia Dziaržkammajomaści, ni Ministerstva pramysłovaści. My spadziavalisia, što novy ministr pramysłovaści pastavicca da situacyi niejak pa-čałaviečy, choć by niejak padumaje ci daść kamandu razhladzieć našu situacyju. Bo jość ža rašeńnie prakuratury! Tam čornym pa biełym napisana: uličyć intaresy dolščykaŭ. Paśla ŭčorašniaj razmovy vyrazna vidać: pierad imi staić zadača chutčej ad nas admachnucca. A adziny i samy chutki sposab — heta padać u sud na skasavańnie damovy. A kali dziaržaŭnaja arhanizacyja padaje ŭ sud na skasavańnie damovy z kamiercyjnaj firmaj, tut vynik užo zahadzia viadomy. My vydatna razumiejem, što i sud zaciahniecca na ennuju kolkaść hadoŭ, choć užo hetaje pytańnie nichto nie vyrašaje až z maja 2013 hoda. Amal dva hady, a situacyja zastałasia tam ža, dzie i była.

Staršynia RHA «Perspektyva» Anatol Šumčanka asabista ŭhavorvaŭ čynoŭnikaŭ pajści nasustrač dolščykam handlovaha abjekta «Halereja» i śćviardžaje, što praca budzie praciahnutaja.

— «Pierśpiektyva» maje namier u bližejšy čas praanalizavać situacyju ź jurystami i vypracavać dalejšuju taktyku dziejańniaŭ pa prablemie abjekta «Halereja». Raniej my padrychtavali adkryty zvarot da Łukašenki.

Usie praviedzienyja sustrečy dolščykaŭ z čynoŭnikami — heta vynik zvarotaŭ našaj arhanizacyi i zaklikaŭ da vykanaŭcu pa spravie ab praviadzieńni abmierkavańnia situacyi z paciarpiełymi pradprymalnikami. Što jany i zrabili. Ja asabista telefanavaŭ vykanaŭcu. Spačatku jana skazała, što joj dali dva dni na adkaz z Administracyi Łukašenki, a ja nastajaŭ, što heta budzie nikomu nie patrebnaja adpiska. Tady čynoŭnica pieratelefanavała i pahadziłasia, — raspavioŭ jon.

• 0
• 0
• 0
• 0
• 0
• 0
• 0
• 0