Kancler Hiermanii Anhieła Mierkiel prapanavała prezidentu Rasii Uładzimiru Pucinu da sierady vyznačycca sa staŭleńniem da mirnaha płana pa Ukrainie, inakš, Hiermanija nie budzie pieraškadžać płanam ZŠA pa pastaŭkach śmiarotnaj zbroi va Ukrainu.
Pra heta paviedamlaje Wall Street Journal sa spasyłkaj na svaje krynicy ŭ dypłamatyčnych kołach.
Mierkiel ličyć, što na sustrečy «narmandskaj čaćviorki» ŭ Minsku ŭ sieradu Pucin pavinien pahadzicca ź mirnym płanam, jaki jamu prapanavali Hiermanija i Francyja.
U tym vypadku, kali Rasija na minskim samicie nie prymie novuju «darožnuju kartu», Mierkiel prystrašyła uviadzieńniem novych sankcyj suprać rasijskich kampanij i pašyreńniem śpisu asob, čyje rachunki za miažoj buduć zamarožanyja.
Mierkiel taksama zajaviła Pucinu, što ŭ vypadku admovy Rasii ad mirnaha płana, Hiermanija nie budzie pieraškadžać płanam ZŠA pa pastaŭkach śmiarotnaj zbroi va Ukrainu. Pry hetym kancler FRH aficyjna zajaŭlaje, što vystupaje suprać hetaj idei.
Častka mirnaha płana ŭ subotu raskryŭ prezident Francyi Fransua Aland. U intervju France 2 jon paviedamiŭ, što dakumient praduhledžvaje stvareńnie demilitaryzavanaj zony ad 50 da 70 km i «vielmi šyrokuju» aŭtanomiju dla rehijonaŭ Danbasa.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak1
Kamientary