Viciebskim abłasnym sudom vyniesieny pryhavor byłym prakuroru Šumilinskaha rajona i jaho namieśniku, abvinavačanym va ŭčynieńni złačynstva, praduhledžanaha č. 3 art. 430 KK. Sprava słuchałasia ŭ zakrytym sudovym pasiadžeńni.
Jak paviedamiła pres-sakratar Viarchoŭnaha suda Biełarusi Julija Laskova, byłyja prakurorskija rabotniki pryznanyja vinavatymi ŭ pryniaćci słužbovaj asobaj, što zajmaje adkaznaje stanovišča, dla siabie materyjalnych kaštoŭnaściaŭ, pieradadzienych vyklučna ŭ suviazi ź jaje słužbovym stanoviščam, za spryjalnaje vyrašeńnie pytańniaŭ, što ŭvachodziać u jaje kampietencyju, za vykanańnie ŭ intaresach chabaradavalnika jakoha-niebudź dziejańnia, jakoje hetaja asoba mahła zrabić z vykarystańniem svaich słužbovych paŭnamoctvaŭ (atrymańnie chabaru), učynienym hrupaj asob pavodle papiaredniaj zmovy, u bujnym pamiery.
Na padstavie č. 3 art. 430 KK sudom byłomu prakuroru Šumilinskaha rajona pryznačanaje pakarańnie ŭ vyhladzie vaśmi hadoŭ pazbaŭleńnia voli ŭ papraŭčaj kałonii va ŭmovach uzmocnienaha režymu z kanfiskacyjaj majomaści, pazbaŭleńniem prava zajmać pasady, źviazanyja z prachodžańniem słužby ŭ pravaachoŭnych orhanach i sudach, na piać hadoŭ. Namieśniku rajonnaha prakurora — u vyhladzie siami hadoŭ pazbaŭleńnia voli ŭ papraŭčaj kałonii va ŭmovach uzmocnienaha režymu z kanfiskacyjaj majomaści, pazbaŭleńniem prava zajmać pasady, źviazanyja z prachodžańniem słužby ŭ pravaachoŭnych orhanach i sudach, na piać hadoŭ.
Na padstavie art. 60 KK abodva pazbaŭlenyja śpiecyjalnych zvańniaŭ prakurorskich rabotnikaŭ.
Pryhavor byŭ abvieščany 13 lutaha. Zakonnuju moc nie nabyŭ i moža być abskardžany i apratestavany ŭ Viarchoŭny sud praź Viciebski abłasny sud na praciahu 10 sutak z dnia abviaščeńnia, a abvinavačanymi — u toj ža termin z dnia ŭručeńnia im kopii pryhavoru.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary