Supracoŭnik rasijskich śpiecsłužbaŭ brytaniec Hrem Filips zdymaŭ prapahandu pra nastup na Debalcava — i vypadkova vykryŭ ŭvarvańnie ŭ Ukrainu rehularnych vojskaŭ Rasijskaj Fiederacyi.
Pra heta piša ŭ Fejsbuku hałoŭny redaktar Cienzor.NIET Juryj Butusaŭ.
«Mienavita na takich tankach Rasija ažyćciaŭlała ŭvarvańnie ŭ žniŭni 2014-ha — i niekalki takich bajavych mašyn było źniščana ukrainskimi vojskami, a adzin tank sa składu 8-j motastrałkovaj bryhady byŭ padbity i zachopleny hrupaj voinaŭ-inžynieraŭ pad kamandavańniem pałkoŭnika AK «Poŭdzień» Kavalskaha. Na hetym tanku zabiaśpiečvaŭ vychad našych vojskaŭ ź Iłavajska ekipaž u składzie bajcoŭ 17-j tankavaj bryhady małodšaha siaržanta Isajeva, miechanika-kiroŭcy Martyniuka, a taksama pałkoŭnika AK «Poŭdzień» Jaŭhiena Sidarenki — jany padbili try rasijskich BMP i zadušyli šerah ahniavych kropak, čym vyratavali mnohija žyćci», — piša Butusaŭ.
«Paraŭnajcie videa z fotazdymkami. Na pieršym — vieža T-72B3, źniščanaha, chutčej za ŭsio, tankistami 1-j tankavaj bryhady pad Novaśvietłaŭkaj Łuhanskaj vobłaści ŭ žniŭni.
Na druhim fota z paradu na Krasnaj płoščy ŭ Maskvie vyrazna vidać, čym vizualna adroźnivajecca rasijski tank ad zvyčajnaha T-72.
Na trecim fota — toj samy T-72B3, zachopleny našymi pad Iłavajskam, jaki išoŭ na čale kałony, jakaja praryvałasia z Mnahapolla», — napisaŭ jon.
Žurnalist adznačaje, što T-72B3 nie mohuć asvoić prostyja rasijskija najmity — heta najnoŭšy tank, jakim kamplektujucca častki pastajannaj hatoŭnaści suchaputnych vojskaŭ RF. Jaho asnoŭnaje i dobra prykmietnaje adroźnieńnie — ciepłavizijny pryceł kamandzira «Sasna» biełaruskaj vytvorčaści, a taksama abstalavańnie francuzskaj kampanii Thales, navučańnie pracy z takimi prycełami ažyćciaŭlajecca tolki ŭ kadravych častkach rasijskaj armii.
«Ja ŭžo pisaŭ pra dokazy zachopu T72B3. Fakt pramoha ŭdziełu rasijskaj armii ŭ zabojstvie ukraincaŭ i nastupie na Debalcava atrymaŭ čarhovy dokaz.
A voś i inšyja dokazy ŭdziełu rasijskich tankavych vojskaŭ u vajnie suprać Ukrainy.
Zrazumieła, usie hetyja materyjały jość u adzinaj bazie dokazaŭ rasijskaj ahresii va Ukrainie na ruskaj i na anhlijskaj movach na «Cenzary»», — napisaŭ Butusaŭ.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary