U Biełarusi praindeksavanyja subsidavanyja dziaržavaj ceny na pryrodny i zvadkavany haz, taryfy na elektryčnuju i ciepłavuju enierhiju dla patreb aciapleńnia i haračaha vodazabieśpiačeńnia. Heta praduhledžana pastanovaj Savieta Ministraŭ №141 ad 27 lutaha 2015 hoda, apublikavanaj na Nacyjanalnym pravavym partale. Dakumient ustupaje ŭ siłu z 1 sakavika.
Takim čynam, z pačatku miesiaca ceny dla nasielnictva na haz pryrodny i zvadkavany, taryfy na elektryčnuju i ciepłavuju enierhiju pavialičvajucca.
Taryf na ciepłavuju enierhiju dla patreb aciapleńnia i haračaha vodazabieśpiačeńnia z 1 sakavika ustanoŭleny ŭ pamiery Br96 424 za 1 Hkał.
Košt 1 kub.m pryrodnaha hazu, jaki vykarystoŭvajecca ŭ žyłych damach i kvaterach, a taksama ŭ sadovych domikach (dačach) členaŭ sadavodčych tavarystvaŭ z ustanoŭlenymi pryborami indyvidualnaha ŭliku raschodu hazu, pry najaŭnaści indyvidualnych hazavych aciaplalnych pryboraŭ u aciaplalny pieryjad vyznačana na ŭzroŭni Br623,3, u letni pieryjad - Br2 281,8. Pry adsutnaści indyvidualnych hazavych aciaplalnych pryboraŭ (niezaležna ad siezonu) košt 1 kub.m hazu składzie Br2 281,8.
Biez pryboraŭ indyvidualnaha ŭliku raschodu hazu košt hazu pry najaŭnaści hazavaj plity i centralizavanaha haračaha vodazabieśpiačeńnia abo indyvidualnaha vodanahravalnika (za vyklučeńniem hazavaha) składzie Br18 150 z adnaho žychara ŭ miesiac, pry najaŭnaści hazavaj plity i hazavaha vodanahravalnika (pry adsutnaści centralizavanaha haračaha vodazabieśpiačeńnia) - Br52 400, pry najaŭnaści hazavaj plity i adsutnaści centralizavanaha haračaha vodazabieśpiačeńnia i hazavaha vodanahravalnika - Br29 650.
Pavyšanyja ceny i na zvadkavany haz, jaki vykarystoŭvajecca ŭ žyłych damach i kvaterach. Tak, košt 1 kub.m z ustanoŭlenymi pryborami indyvidualnaha ŭliku raschodu hazu pry najaŭnaści indyvidualnych hazavych aciaplalnych pryboraŭ u aciaplalny pieryjad składzie Br9 658,7, u letni pieryjad - Br6 084. Pry adsutnaści indyvidualnych hazavych aciaplalnych pryboraŭ košt 1 kub.m składzie taksama Br6 084. Biez pryboraŭ indyvidualnaha ŭliku raschodu hazu pry najaŭnaści hazavaj plity i centralizavanaha haračaha vodazabieśpiačeńnia abo indyvidualnaha vodanahravalnika (za vyklučeńniem hazavaha) košt zvadkavanaha hazu z adnaho žychara ŭ miesiac ŭstanoŭlena na ŭzroŭni Br18 150, pry najaŭnaści hazavaj plity i hazavaha vodanahravalnika (pry adsutnaści centralizavanaha haračaha vodazabieśpiačeńnia) - Br51 600, pry najaŭnaści hazavaj plity (pry adsutnaści centralizavanaha haračaha vodazabieśpiačeńnia i hazavaha vodanahravalnika) - Br24 250.
Košt elektraenierhii ŭ žyłych damach (kvaterach), abstalavanych va ŭstanoŭlenym paradku elektryčnymi plitami, pa adnastavačnym taryfie ciapier składaje Br810 za 1 kVt.hadz, pa dyfierencyjavanym taryfie - Br567,5 za 1 kVt.hadz u pieryjad minimalnych nahruzak z 22.00 da 17.00 i Br1621, 4 za 1 kVt.hadz u pieryjad maksimalnych nahruzak z 17.00 da 22.00.
Košt elektraenierhii dla patreb aciapleńnia i haračaha vodazabieśpiačeńnia z dałučanaj mahutnaściu abstalavańnia bolš za 5 kVt ŭstanoŭleny na ŭzroŭni Br953,8 za 1 kVt.hadz u pieryjad minimalnych nahruzak z 23.00 da 6.00 i Br2861,4 za 1 kVt.hadz u astatni čas sutak.
Elektryčnaja enierhija, za vyklučeńniem ukazanaj u papiarednich vypadkach, pa adnastavačnym taryfie budzie abychodzicca žycharam respubliki ŭ Br953,8 za 1 kVt.hadz, pa dyfierencyjavanym taryfie - Br667,7 za 1 kVt.hadz u pieryjad minimalnych nahruzak z 22.00 da 17.00 i Br1907, 6 za 1 kVt.hadz u pieryjad maksimalnych nahruzak z 17.00 da 22.00.
Kamientary