«Achova ptušak Baćkaŭščyny» prapanuje biełarusam panazirać za viartańniem pieralotnych ptušak
Hramadskaja arhanizacyja «Achova ptušak Baćkaŭščyny» (APB) prapanuje biełarusam dałučycca da mižnarodnaj adukacyjnaj kampanii «Žyvaja viasna» i panazirać za viartańniem pieralotnych ptušak u rodnyja miaściny.
U hetym hodzie śpiecyjalisty arhanizacyi prapanavali nazirać za prylotam ź ciopłych krain takich ptušak, jak bieły busieł, viaskovaja łastaŭka, zvyčajnaja ziaziula, čorny śvirhul, a taksama ščurka-pčałajedka. «Rehularna byvajcie na pryrodzie, i, kali vy ŭbačycie abo pačujecie adnu z nazvanych ptušak, infarmacyju pra heta nieabchodna ŭnieści na sajt springalive.net», — źviarnulisia ŭ APB da biełarusaŭ.
Akramia taho, raspavieści ab svaich nazirańniach možna ŭ hrupach prajekta ŭ sacyjalnych sietkach abo dasłać sms-paviedamleńnie na karotki numar 0841 z ukazańniem imia, proźvišča, času nazirańnia, miesca, kolkaści i vidu ptušak.
«Hałoŭnaja meta kampanii «Žyvaja viasna» — sabrać dadzienyja ab tym, jak pieralotnyja ptuški viartajucca ŭ Jeŭropu, i dałučyć da nazirańnia za imi i pryrodaj naohuł jak maha bolš žycharoŭ našaj krainy. Navat kali vy da hetaha nie nazirali za ptuškami, nikoli nie pozna pačać. Dziakujučy hetym nazirańniam kožny hod my možam bačyć roźnicu ŭ časie prylotu ptušak u roznyja harady i paraŭnać, jak roznyja faktary (naprykład, źmiena nadvorja) upłyvajuć na čas ich prylotu. Darečy, u minułym hodzie naša kraina zaniała 4-je miesca pa kolkaści nazirańniaŭ z 52 krain-udzielnic», — padkreślili ŭ arhanizacyi.
APB taksama praviadzie dva konkursy: «Lepšaje fota «Žyvoj viasny» (nie maje ŭzrostavych abmiežavańniaŭ) i «Idealny sad dla ptušak» (konkurs malunkaŭ dla dziaciej da 16 hadoŭ).
Mižnarodny prajekt «Žyvaja viasna» byŭ arhanizavany BirdLife International, u Biełarusi jaho pravodzić hramadskaja arhanizacyja «Achova ptušak Baćkaŭščyny». Prajekt rodam z Hiermanii, dzie pieršaja kampanija adbyłasia ŭ 1987 hodzie ŭ Bavaryi. Ciapier akcyja pravodzicca partniorami BirdLife International bolš čym u 40 krainach śvietu. U 2012 hodzie «Žyvaja viasna» stała samaj paśpiachovaj u historyi prajekta: u joj było zarehistravana bolš za 173 tys. nazirańniaŭ.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary