Pa mutacyjach Y-chramasomy isłandskija navukoŭcy prasačyli supolnaha prodka sučasnych ludziej.
Isłandskija navukoŭcy praanalizavali hieny 2,6 tysiač suajčyńnikaŭ. Byli identyfikavanyja hienietyčnyja mutacyi, adkaznyja za mnohija adchileńni — ad chvaroby Alchiejmiera da zachvorvańniaŭ piečani. Taksama daśledavańnie pryviało navukoŭcaŭ da ahulnaha prodka sučasnych ludziej, raspaviadaje The Verge.
Raniej mierkavałasia, što naš ahulny prodak žyŭ kala 340 tysiač hod tamu. Masštabnaje daśledavańnie isłandcaŭ «amaładziła» jaho da 239 tysiač hod.
Padčas analizu byli znojdzienyja redkija mutacyi ŭ hienach, praanalizavanyja mutacyi mužčynskaj Y-chramasomy. Takim čynam byŭ vyjaŭleny bolš dakładny ŭzrost «Y-chramasomnaha Adama», ad Y-chramasomy jakoha pachodziać Y-chramasomy usich siońniašnich mužčyn.
Akramia taho, byli vyjaŭlenyja peŭnyja «pryhłušanyja» hieny, bieź jakich čałaviek moža abyścisia. U daśledavańni byli znojdzienyja 8 tysiač isłandcaŭ, u jakich nie funkcyjanuje adzin z 1171 «pryhłušanych» hienaŭ. Čaściej za ŭsio «pryhłušaŭsia» hien, adkazny za adčuvańnie peŭnych pachaŭ, adroźnivać jakija siońniašniamu čałavieku niama patreby.
The Verge adznačaje, što Isłandyja — izalavanaja astraŭnaja kraina ź niezvyčajnaj hienietyčnaj historyjaj, tamu vyniki daśledavańnia «pryhłušanych» hienaŭ mohuć być nie samymi dakładnymi. Navukoŭcy ža ličać, što daśledavańnie dastatkova reprezientatyŭnaje ŭ astatnich pytańniach, a isłandskija vyniki dapamohuć jak miascovaj miedycynie, tak i zamiežnym daśledčykam.
Anałahičnyja daśledavańni ŭžo zapłanavanyja ŭ inšych krainach. Isłandskaja hrupa navukoŭcach taksama płanuje praciahnuć kliničnyja daśledavańni «pryhłušanych» hienaŭ, a taksama rolu redkich mutacyj u baraćbie ź ciažkimi chvarobami.
Pa anałohii z «Y-chramasomnym Adamam» vyznačajuć i maci ŭsich ludziej, «mitachandryjalnuju Jevu» — žančynu, ad jakoj usie siońniašnija žančyny atrymali mitachandryjalnuju DNK. Pavodle roznych acenak, jana žyła ŭ rajonie 100—234 tysiač hod tamu.
-
Kampanija OpenAI pryniała rašeńnie kančatkova adklučyć svaju papularnuju madel štučnaha intelektu ChatGPT-4o
-
Kaniec epochi całkam biaspłatnaha ŠI? U ChatGPT źjaŭlajecca rekłama, i voś jak jana budzie vyhladać
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie48
Kamientary