Prezident Łatvii Andrys Bierzińš zajaviŭ, što hatovy pravieści aficyjnuju sustreču sa svaim biełaruskim kaleham Alaksandram Łukašenkam, kali toj hatovy prybyć na samit Uschodniaha partniorstva, jaki projdzie ŭ Ryzie ŭ kancy maja.
Raniej pra toje, što Łatvija, jakaja staršyniuje ŭ hetym hodzie ŭ ES, hatovaja zaprasić Łukašenku na samit Uschodniaha partniorstva, zajaviŭ dziaržsakratar Ministerstva zamiežnych spraŭ Łatvii Andrej Piłdehovič.
«My viedajem, što na papiarednich samitach Alaksandr Łukašenka nie pradstaŭlaŭ Biełaruś na samicie. My hatovyja zaprasić prezidenta Biełarusi», — rastłumačyŭ palityk u chodzie pres-kanfierencyi ŭ Minsku.
Razam z tym Piłdehovič adznačyŭ, što ŭzrovień pradstaŭnictva na Ryžskim samicie budzie zaležać ad Biełarusi. «My chočam, kab z boku Minska byŭ sustrečny ruch, i my budziem zaprašać Biełaruś na ŭsie mierapryjemstvy», — dadaŭ dypłamat.
Uschodniaje partniorstva — prajekt, stvorany Jeŭrapiejskim sajuzam. Hałoŭnaja jaho meta — zbližeńnie ES z šaściu krainami: Ukrainaj, Małdovaj, Azierbajdžanam, Armienijaj, Hruzijaj i Biełaruśsiu.
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki15
Kamientary