U Minskim haradskim sudzie vyniesieny prysud u dačynieńni da adrazu troch śledčych Śledčaha kamiteta, abvinavačanych u chabarnictvie i pieravyšeńni słužbovych paŭnamoctvaŭ.
Na minułym tydni sudździa Minskaha haradskoha suda Piotr Arłoŭ vynies prysud u dačynieńni da troch supracoŭnikaŭ Śledčaha kamiteta. Heta padpałkoŭnik justycyi Dźmitryj Mackievič, kapitan justycyi Dźmitryj Kontuś i kapitan justycyi Hienadź Supinski. Razam ź imi byŭ taksama na łavie padsudnych akazałasia i žančyna, što pieradavała chabar.
Śledčym było pradjaŭlenaje abvinavačvańnie ŭ ździajśnieńni złačynstvaŭ, praduhledžanych art.426 (pieravyšeńnie słužbovych paŭnamoctvaŭ) i pa č.3 art.430 (atrymańnie chabaru, ździejśnienaje asobaj, u asabliva bujnym pamiery, albo arhanizavanaj hrupaj, albo asobaj, jakaja zajmaje adkaznaje stanovišča). Dźmitryj Kontuś i Hienadź Supinski abvinavačvalisia taksama i pavodle art. 99 Kryminalnaha kodeksa Biełarusi (zaviedama niezakonnaje vyzvaleńnie ad kryminalnaj adkaznaści asoby, padazravanaha abo abvinavačanaha ŭ ździajśnieńni złačynstva, prakuroram, śledčym abo asobaj, jakija pravodziać daznańnie). Inšymi słovami, jany za hrošy admazvali abvinavačanych ad kryminalnaj adkaznaści.
Usie abvinavačvańni znajšli svajo paćvierdžańnie padčas sudovaha razboru.
Zhodna z rašeńniem suda, Dźmitryj Mackievič asudžany sudom da 13 hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści. Dźmitryj Kontuś prysudžany da 12 hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści. Hienadź Supinski — da 7 hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści. Usie byłyja śledčyja pazbaŭlenyja zvańniaŭ. Chabaradavalnik asudžanaja na try hady abmiežavańnia biez nakiravańnia ŭ vypraŭlenčuju ŭstanovu.
Prysud jašče nie stupiŭ u zakonnuju siłu i moža być abskardžany.
Simvaličny fakt byŭ vyśvietleny ŭ sudzie: pry pieravodzie ź milicyi na słužbu ŭ Śledčy kamitet, abvinavačanyja nie davali prysiahi.
Sudździa vynies z hetaj nahody pryvatnaje vyznačeńnie ŭ adras staršyni SK ab niedapuščeńni padobnych parušeńniaŭ u budučyni.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA105
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary