Fotakarespandentka NN Julija Daraškievič pranikła ŭ najbujniejšuju ŭ Eŭropie zimoŭku kažanoŭ.
Fotakarespandentka NN Julija Daraškievič pranikła ŭ najbujniejšuju ŭ Eŭropie zimoŭku kažanoŭ.
Tut ich sotni, jany visiać da hary nahami i zredku papiskvajuć. Najbujniejšaja ŭ Eŭropie zimavalnaja kalonija rukakryłych (Barbastella barbastellus, ci Šyrokavuška eŭrapiejskaja - tak nazyvajuć hetych kažanoŭ navukoŭcy) mieścicca na ŭskrajku Bieraścia, u staroj fartecy.
My spuskajemsia ŭ sklapieńnie razam z aktyvistkaj arhanizacyi "Achova ptušak Baćkaŭščyny" Maryjej Dziamiančyk. Tut ciomna i vilhotna. "Mikraklimat, jak u piačorach" - havoryć navukoŭca. Razmaŭlajem šeptam, kab nie pabudzić kažanoŭ.
Aficyjna hetaje miesca nazyvajecca bijałahičny zakaźnik "Barbasteła". Štohod na zimoŭku siudy źlatajucca da troch tysiač kažanoŭ. Navukoŭcy nazirajuć za imi ŭžo hod 10, adnak tolki niadaŭna dla rukakryłych abstalavali "spalnyja miescy" - na ścienach fartecy raźmiaścili admysłovyja draŭlanyja ščyty, jakija ŭtvarajuć niešta nakštałt ščylinaŭ. U ich kažany i zimujuć, źbiŭšyja ŭ kupki. Vyhladaje heta prykładna tak:
Na našuju prośbu spadarynia Maryja vynosić niekalki žyviołaŭ na pavietra. Kažany akazvajucca zusim nia strašnymi, miłyja takija pušystyja zubaściki. Jany sonnyja, kab rastarmašyć ich paśla śpiački treba chvilin 15. Ale palacieć jany nia zmohuć jašče nia chutka. Tamu, dobra razhledzieŭšy rukakryłych, my zanosim ich nazad u fartecyju i pryčeplivajem za draŭlany ščytok.
"Maje myški" - tak piaščotna nazyvaje svaich hadavancaŭ Maryja Dziamiančyk. Navukoŭcy rehularna praviedvajuć kažanoŭ, viaduć padlik i nazirańnie. Apiekuje kažanoŭ i AAN - arhanizacyja vydzialiła admysłovy hrant na zachavańnie zimavalnaj kalonii rukakryłych. U Biełarusi siem vidaŭ hetych žyvioł zaniesiena ŭ Čyrvonuju knihu.
Ciapier čytajuć
«Ty jašče nie stamiłasia?» Apublikavali pierapisku Mielnikavaj, dzie joj pahražali7
Kamientary