Minskaje abłasnoje ŭpraŭleńnie Ministerstva pa nadzvyčajnych situacyjach 7 krasavika vyniesła časovuju zabaronu na pracu adkrytaha rynku i biźnies-centra pablizu handlova-zabaŭlalnaha centra «Ekspabieł», jakija naležać ZAT «Vystavačny centr «Akvabieł».
Pra heta paviedamiła staršy inśpiektar centra prapahandy i navučańnia pry Minskim abłasnym upraŭleńni MNS Natalla Šynhiel.
Pavodle jaje słoŭ, śpiecyjalisty vyjavili mnostva typavych parušeńniaŭ, jakija tyčacca ekspłuatacyi elektrasietak i elektrapravodki z paškodžanaj izalacyjaj, časovaj elektrapravodki, niapravilnaj ŭstanoŭki paviljonaŭ.
«Sprava ŭ tym, što ŭ sakaviku na «Ekspabiele» zhareła dva kantejniery z-za niaspraŭnaściaŭ elektrapravodki, — patłumačyła Šynhiel. — Patrabavańni hetyja byli vyniesienyja nie adrazu — my nieadnarazova pravodzili manitorynhi, pravierki, a kiraŭnictvu nieadnarazova pakazvałasia na hetyja parušeńni. Nas ihnaravali, tamu my byli vymušanyja vynieści patrabavańnie ab zabaronie ekspłuatacyi».
Pradstaŭnica abłasnoha ŭpraŭleńnia MNS taksama paviedamiła, što kali kiraŭnictva TRC «Ekspabieł» likviduje ŭsie vyjaŭlenyja parušeńni da 24 krasavika, to budzie dazvolena adnavić pracu hetych dvuch abjektaŭ. Kali ž parušeńni likvidavanyja ŭ hety termin nie buduć, to «MNS budzie praciahvać dziejańnie svaich patrabavańniaŭ praz sud».
U svaju čarhu staršynia respublikanskaha hramadskaha abjadnańnia «Pierśpiektyva» Anatol Šumčanka paviedamiŭ, što paśla adjezdu pradstaŭnikoŭ MNS niekatoryja pradprymalniki adnavili pracu na adkrytym rynku.
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary