Amierykancy pradstavili prajekt kaśmičnych robataŭ-pavukoŭ
Kaśmičnyja pavuki buduć tkać kaśmičnyja karabli naŭprost na arbicie.
Kampanija Tethers Unlimited pradstaviła prajekt SpiderFab, u miežach jakoha prapanuje źbirać kaśmičnyja stancyi i karabli naŭprost u kosmasie, raspaviadaje Space.com.
Ciapier kaśmičnyja karabli źbirajucca na Ziamli. Stvaralniki «kaśmičnych pavukoŭ» prapanujuć zapuskać na arbitu «pavucińnie» z vuhlevałakna i «tkać» karabli ŭžo ŭ kosmasie — tak budzie tańniej i efiektyŭniej.
Da taho ž, heta sprościć kanstrukcyju samich kaśmičnych karabloŭ, bo im nie pryjdziecca vytrymlivać ekstremalnyja ŭmovy zapusku ź Ziamli.
Faktyčna «kaśmičny pavuk» jość vialikim 3D-pryntaram. Adzin jaho orhan adkazvaje za farmavańnie kanstrukcyi, inšy za złučeńnie, jašče adzin — za pierasoŭvańnie pa «pavucińni».
Raspracoŭščyki ŭžo sabrali nievialiki aparat dla vyrableńnia lohkich kanstrukcyj z chutkaściu 5 sm na siekundu. Ciapier jany pracujuć nad «kaśmičnym pavukom» nastupnaha pakaleńnia. Pavodle słoŭ kiraŭnika prajektu Roba Chojta, u idealnych umovach ŭžo ŭ 2020 hodzie «kaśmičnyja pavuki» mahli by źbirać vializnyja apornyja struktury anten i soniečnych batarej dy inšyja kanstrukcyi na arbicie.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary