MNS aštrafavała «Akvabieł» za parušeńnie zabarony na ekspłuatacyju handlovych abjektaŭ
Historyja z zakryćciom handlovych abjektaŭ ZAT «Vystavačny centr «Akvabieł» siońnia atrymała praciah.
Napiaredadni pradstaŭniki MNS zakryli biźnies-centr «Ekspabieł» i prylehły da jaho adkryty rynak (hetyja abjekty ŭvachodziać u skład ZAT «Vystavačny centr« Akvabieł ») da 24 krasavika.
Jak paviedamiła aficyjny pradstaŭnik MNS pa Minskaj vobłaści Natalla Šynhiel, napiaredadni na kiraŭnika «Akvabieła» byŭ składzieny pratakoł pa art. 23.1 Kodeksa Respubliki Biełaruś ab administracyjnych pravaparušeńniach za nievykanańnie patrabavańnia ab zabaronie ekspłuatacyi dadzienaha abjekta. Adpaviednaje patrabavańnie było vyniesiena jašče 25 sakavika hetaha hoda.
Siońnia adbyłasia sustreča kiraŭnictva «Akvabieła» i kiraŭnictva Minskaha abłasnoha ŭpraŭleńnia MNS, pa vynikach jakoj vypracavanaja stratehija likvidacyi parušeńniaŭ patrabavańniaŭ zakanadaŭstva ab pažarnaj biaśpiecy, vyjaŭlenych pry praviadzieńni pazapłanavaj pravierki na terytoryi i ŭ pamiaškańniach handlovaha pradpryjemstva. Taksama dasiahnuta damoŭlenaść ab uvodzie ŭ ekspłuatacyju budynka byłoha kinateatra, pieraprafilavańnie jaho pad handlovyja płoščy i pieranosie tudy častki handlovych abjektaŭ, raźmieščanych na terytoryi adkrytaha rynku. Kiraŭnictva abjekta paviedamiła ab raspracoŭcy prajektnaj dakumientacyi dla pačatku budaŭnictva bujnoha handlovaha centra, u jaki buduć pieraviedzienyja ŭsie pradprymalniki adkrytaha rynku.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ5
Kamientary