U čempijanacie Biełarusi pa futbole buduć hulać lehijaniery z Polščy, Sjera-Leone, Tadžykistana, Kaba-Vierde, Bośnii
Siońnia dźviuma hulniami startuje 25-y čempijanat Biełarusi pa futbole. Napiaredadni siezona «NN» paličyła kolkaść lehijanieraŭ u zajaŭkach 14 kamand vyšejšaj lihi. Atrymałasia 60 čałaviek.
Amal pałova ź ich ukraincy. Cełych 26 hulcoŭ pradstaŭlajuć našu paŭdniovuju susiedku. U składzie babrujskaj «Biełšyny» zajaŭlena až 7 ukraincaŭ.
U vaśmi futbalistaŭ rasijskija pašparty, ale dvoje ź ich naŭrad ci buduć hulać u siezonie, chiba što za dublujučyja składy. Jašče adzin – bramnik «Hranita» Illa Haŭryłaŭ, tolki pa pašparcie rasiejec, jon atrymaŭ hramadzianstva, kali hulaŭ u maskoŭskim «Łakamatyvie». Haŭryłaŭ niekali byŭ zahulany za biełaruskuju moładzievuju zbornuju. Mabyć, praź niejki čas hetaja niedarečnaść budzie vyrašana.
Taksama ŭ čempijanacie Biełarusi buduć hulać piaciora sierbaŭ, čatyry hruziny, pa dva čarnahorcy i tadžyki. Pa adnamu hulcu pradstaŭlajuć Łatviju, Sjera-Leone, Bałharyju, Kaba-Vierde, Armieniju, Bośniju, Estoniju, Litvu, Polšču, Nihieryju, Kot-dJIvuar, Kamierun.
Nivodnaha lehijaniera niama ŭ zajaŭcy bresckaha «Dynama». Usiaho adzin lehijanier značycca ŭ rejestry «Homiela».
Hladzicie taksama: Biełaruskaja fiederacyja futboła źniała biełaruskamoŭny rolik da pačatku siezona
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary