Na hramadskaje abmierkavańnie vyniesieny prajekt ukaza pra zarobki ŭ kanviertach
Ministerstva pa padatkach i zborach Biełarusi vyniesła na hramadskaje abmierkavańnie prajekt ukaza «Ab mierach pa praduchileńni vypłaty ŭznaharodžańnia za pracu z uchileńniem ad vypłaty padatkaŭ i inšych abaviazkovych płaciažoŭ».
Zhodna z prajektam ukaza, kali hramadzianin paviedamić, što atrymlivaje zarpłatu ŭ kanviercie, i (abo) pradstavić dakumienty, jakija śviedčać ab prykmietach takoha parušeńnia, to płacić padachodny padatak z šerych sum jamu ŭžo nie daviadziecca.
Jašče adna ŭmova padatkovaj «amnistyi» — piśmovaja zhoda na daču pakazańniaŭ.
Prajektam ukaza praduhledžana, što ab faktach atrymańnia zarpłaty ŭ kanviercie možna budzie paviedamić u padatkovyja orhany, fond sacyjalnaj abarony Minpracy i sacabarony i jaho terytaryjalnyja orhany, a taksama ŭ «Biełdziaržstrach».
U miežach svajoj kampietencyi rabotniki padatkovaj śfiery, FSAN, «Biełdziaržstracha» buduć prymać miery dla paćviardžeńnia fakta vypłaty zarpłaty ŭ kanviercie. Kali spatrebiacca dadatkovyja pravierki, to, u adpaviednaści z prajektam ukaza, hetym zojmucca orhany finansavych rasśledavańniaŭ Kamiteta dziaržaŭnaha kantrolu i Ministerstva ŭnutranych spraŭ.
Akramia taho, u dakumiencie prapisana adkaznaść rabotadaŭcaŭ, vina jakich budzie dakazana.
Praduhledžany štrafy ad 1 da 100 bazavych vieličyń (ciapier adna BV składaje Br180 tys.). Za paŭtornaje parušeńnie na praciahu hoda štrafy padvojacca.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary