Kiraŭnictva Rahačoŭskaha MKK abviarhaje infarmacyju pra mahčymaje skaračeńnie rabočych
Kiraŭnictva AAT «Rahačoŭski MKK» abviarhaje raspaŭsiudžanuju niekatorymi sajtami infarmacyju ab zapłanavanym masavym skaračeńni rabočych i ekanamičnych prablemach na pradpryjemstvie.
U pryvatnaści rehijanalny sajt vrogacheve.ru paviedamlaŭ pra płany kiraŭnictva zavoda skaracić 300 rabočych, pierajści na čatyrochdzionku, pra zapaŭnieńnie składoŭ zhuščanym małakom.
«Śpiecyjalna čutki raspuskajuć. Pryjšoŭ na zavod novy dyrektar, dyk treba budaražyć kalektyŭ. Ludziej nichto skaračać nie budzie», — prakamientavaŭ situacyju pieršy namieśnik hienieralnaha dyrektara Mikałaj Kaciankoŭ.
Abviarhaje jon infarmacyju i pra čatyrochdzionny pracoŭny tydzień. «Jak my možam pierajści na čatyry dni pracy, kali nam małako viazuć kožny dzień? Heta dziciačy lepiet», — dadaŭ pieršy namieśnik hiendyrektara.
Razam z tym Kaciankoŭ pryznaŭ, što z realizacyjaj zhuščanaha małaka «jość pytańni», tamu što ŭ śniežni 2014-ha — studzieni 2015 hoda byli prablemy z pastaŭkami hetaha praduktu ŭ Rasiju.
U lutym 2015 hoda zavod uznačaliŭ novy kiraŭnik — Ivan Kałupacha, jaki raniej kiravaŭ KŽUP «Śvietač» u Śvietłahorsku, a ŭ 2006—2009 hadach — harnałyžnym kompleksam «Mazyr».
U Mazyry ŭ dačynieńni da dyrektara harnałyžnaha kompleksu raspačynałasia kryminalnaja sprava, jon abvinavačvaŭsia ŭ nienaležnym vykanańni słužbovych abaviazkaŭ, jakoje paciahnuła masavaje traŭmavańnie hramadzian. Na kurorcie atrymali roznyja traŭmy, u tym liku ciažkija, z 2007 hoda 82 čałavieki. Kryminalnaja sprava ŭ dačynieńni da dyrektara była raspačataja ŭ červieni 2007 hoda, ale zatym prypynienaja. U mai 2009 hoda rasśledavańnie było zavieršanaja. Kryminalny pieraśled spynili ŭ suviazi z tym, što dyrektar harnałyžnaha kompleksu źjaŭlajecca paciarpiełym ad avaryi na ČAES i trapiŭ pad amnistyju.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim18
Kamientary