Ciaham dvuch-troch tydniaŭ u Minsku adčyniać vizavy centr Charvatyi. Pra paviedamili ŭ pasolstvie Respubliki Charvatyja ŭ RF.
Praź vizavy centr taksama možna atrymać vizu. Pry hetym ŭstanova nie źjaŭlajecca dypłamatyčnym pradstaŭnictvam.
Jakim budzie servisny zbor u centry, u pasolstvie Charvatyi pakul nie viedajuć. Naprykład, u vizavym centry Litvy jon składaje 18 jeŭra, Ispanii i Hrecyi — 28 jeŭra.
Za samu vizu treba budzie zapłacić 60 jeŭra. Ad zboru vyzvalenyja:
— dzieci da 12 hadoŭ;
— členy siemjaŭ hramadzian Charvatyi (žonki i dzieci);
— uładalniki dypłamatyčnych i słužbovych zamiežnych pašpartaŭ, jakija naviedvajuć Charvatyju sa słužbovymi vizitami;
— školniki, studenty, aśpiranty i vykładčyki, što ich supravadžajuć, i naviedvajuć krainu z metaj navučańnia abo prafiesijnaj adukacyi;
— pradstaŭniki hramadskich arhanizacyj va ŭzroście da 25 hadoŭ, jakija prymajuć udzieł u sieminarach, kanfierencyjach, spartyŭnych, kulturnych abo adukacyjnych padziejach, arhanizavanych niekamiercyjnymi arhanizacyjami;
— členy siemjaŭ hramadzian krain Jeŭrapiejskaj ekanamičnaj prastory.
Vizavy centr adčynicca pa adrasie: vulica Čyhunačnaja, 33, u biźnies-centry «SV Plaza». Tut ža znachodziacca vizavyja centry Litvy, Ispanii, Danii i nieŭzabavie paŭnavartasna zapracuje vizavy centr Hrecyi.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»24
Kamientary