U Biełarusi z 19 pa 23 maja projdzie prafiłaktyčnaja akcyja «Stop-spajs!». Pra heta paviedamiŭ siońnia načalnik adździeła arhanizacyi raboty inśpiekcyj pa spravach niepaŭnaletnich hałoŭnaha ŭpraŭleńnia achovy pravaparadku i prafiłaktyki MUS Vital Jančyn na pres-kanfierencyi ab prafiłaktycy pravaparušeńniaŭ i narkamanii ŭ padletkavym asiarodździ.
«Akramia tematyčnych vystupleńniaŭ pierad moładździu ab pravavych i miedycynskich vynikach užyvańnia narkotykaŭ zapłanavany navučalnyja treninhi dla piedahohaŭ pa taktycy vyjaŭleńnia padletkaŭ-narkamanaŭ», — skazaŭ Vital Jančyn.
Akramia taho, baćkam budzie rastłumačana mahčymaść abmiežavańnia dostupu dziaciej da peŭnych sajtaŭ šlacham piśmovaha zvarotu da internet-pravajdaraŭ. Adbuducca spartyŭnyja i kulturnyja mierapryjemstvy pa prafiłaktycy narkamanii, farmiravańni zdarovaha ładu žyćcia, pryvićci duchoŭnych i maralnych kaštoŭnaściej.
Asablivuju ŭvahu orhany ŭnutranych spraŭ udzielać praviercy miesc masavaj kancentracyi moładzi: internataŭ, dyskatek, kłubaŭ, vakzałaŭ, pajazdoŭ.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary