Z mysa Kanavierał paśpiachova zapuščany rakietanośbit Atlas V, jaki vyvieŭ na arbitu bieśpiłotny kaśmičny karabiel Boeing X-37B, jaki ŭ presie časta nazyvajuć «sakretnym šatłam» vajenna-pavietranych siłaŭ ZŠA.
Da hetaha praktyčna ničoha nieviadoma ab zadačach i mahčymaściach hetaha aparata, ale miarkujecca, što na im raźmieščana raźviedvalnyja prybory i abstalavańnie dla ramontu spadarožnikaŭ.
Papiaredni palot Ch-37V, aficyjna zvany Pientahonam «ekśpierymientalnym arbitalnym aparatam», praciahvaŭsia biesprecedentna doŭhi čas — 22 miesiacy — i zaviaršyŭsia ŭ listapadzie minułaha hoda.
Pradstaŭnik VPS ZŠA Krys Chojler admoviŭsia kamientavać čutki pra raźviedvalnyja mety šatła, ale raspavioŭ, što ŭ hetym palocie buduć vypraboŭvacca novyja ruchaviki, pryznačanyja dla manieŭravańnia karabla na arbicie.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary