Miem pra Karła praciahvaje ciešyć nas u internecie. Bolšaść z vas užo daŭno zaŭvažyli hetyja komiksy pra chłopčyka ŭ vialikim kapielušy i jaho emacyjnaha baćku, ale niekatoryja da hetaha času nie razumiejuć, pra što idzie havorka.
Emacyjny miem biare svoj pačatak z postapakaliptyčnaha sieryjała «Chadziačyja mierćviaki» amierykanskaha telekanała AMC. Sieryjał zasnavany na adnajmiennaj sieryi komiksaŭ pra ludziej, jakija sprabujuć vyžyć paśla zombi-apakalipsisu.
Siužet, z-za jakoha źjaviŭsia miem, u nastupnym: Ryk Hrajms (hałoŭny hieroj sieryjała) uśviedamlaje, što jaho žonka Łory pamierła pry rodach, paśla čaho pačynaje płakać, kryčać i padaje na ziamlu. Jaho syn Karł uvieś hety čas prosta staić i maŭčyć.
Papularny hety miem staŭ jašče dva hady tamu. Paśla vychadu 4-j sieryi «Zabojca ŭnutry» 3-ha siezona praz tydzień byŭ pieramantavany ŭryvak i 13 sakavika 2013 hoda vykładzieny na YouTube pad nazvaj Rick Finds Out That Carl is Gay.
Miem, adnak, nie staŭ adrazu ž papularnym. Tolki ŭ śniežni 2013 Buzzfeed apublikavaŭ materyjał «19 najlepšych baćkavych žartaŭ ad Ryka Hrajmsa». U im i byŭ zadadzieny asnoŭny pasył žartu.
Da Rasii i Biełarusi hety miem dabraŭsia jašče praz paru hadoŭ, ale staŭ papularny tolki sioleta.
22 krasavika Alaksiej Navalny i Leanid Vołkaŭ stali vykarystoŭvać hety miem nie tolki ŭ internecie. Na bryfinhu Fondu baraćby z karupcyjaj Demakratyčnaja kaalicyja zajaviła, što maje namier udzielničać u vybarach u zakanadaŭčyja schody ŭ Novasibirskaj, Kastramskoj i Kałužskaj abłaściach šlacham publičnych prajmieryz. Tady Navalny i Vołkaŭ padčas mierapryjemstva sfatahrafavalisia pobač z tabličkaj «Prajmieryz, Karł».
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny24
Kamientary