26 maja ŭ Minharsudzie na pracesie pa spravie ab zabojstvie 34-hadovaj minčankaj svajho trochhadovaha syna była dapytanaja ŭ jakaści śviedki babula chłopčyka, maci abvinavačvanaj. Žančyna ščyra i vielmi emacyjanalna raskazała sudu pra svaju dačku.
Pavodle słoŭ piensijanierki, Ina chacieła žyć za čužy košt, nie chacieła pracavać, joj nidzie nie padabałasia, maksimum, nakolki zatrymlivałasia na adnym miescy, dva miesiacy. Pracu znachodzić nie imknułasia. Dzicia naradziła, kab nie pracavać, joj vyhadna było siadzieć doma, kali chłopčyk chvareŭ.
Žančyna aburana takimi pavodzinami dački, jakuju joj davodziłasia karmić, apranać, apłačvać jaje daŭhi, kredyty, a Ina kuplała mabilnyja telefony, adsyłała hrošy i srodki suviazi ŭ papraŭčuju kałoniju, dzie adbyvaŭ pakarańnie jaje były nieadnarazova sudzimy sužyciel. Na hetym fonie ŭźnikali kanflikty.
Mienavita z-za niemahčymaści vypłacić «niesłaby» kredyt, pavodle słoŭ piensijanierki, Ina ŭ 2008 hodzie sprabavała skončyć žyćcio samahubstvam, ale zrabić joj heta nie dazvolili.
Asobnyja «ciopłyja» adnosiny ŭ śviedki da byłoha sužyciela dački Alaksandra. Pavodle jaje słoŭ, mužčyna jaje biŭ, złamaŭ nos, nanios strasieńnie. Kali piensijanierka była na pracy, maładyja ludzi «pili, hulali». I, viadoma, jana była suprać ich adnosinaŭ.
Užo kali dzicia naradziłasia, a sužyciel Iny byŭ adpraŭleny ŭ kałoniju, dačka prapanoŭvała maci, kab taja siadzieła z unukam, a jana pojdzie pracavać. Piensijanierka admoviłasia ad hetaha, pakolki ličyć dačku nienadziejnaj. Viedajučy staŭleńnie dački da pracy, žančyna razumieła, što ŭsia siamja mahła akazacca naohuł biez srodkaŭ da isnavańnia. Tamu vyrašyli, što siadzieć z chłopčykam budzie Ina.
Na pytańnie sudździ, čym ža dačka zajmałasia doma, śviedka zajaviła: «Ničym. Ničoha nie chacieła rabić. Dziciem amal nie zajmałasia, mały doma rabiŭ, što chacieŭ. Dzicia ceły dzień siadzieła ŭ televizary, dačka — u internecie».
Prajaśniła piensijanierka i los svajoj małodšaj dački. Jana raskazała sudu, što ŭ 2005 hodzie dziaŭčyna skončyła žyćcio samazabojstvam. Nahadajem, raniej pra toje, što jana zahinuła, upaŭšy z vyšyni, paviedamiła siabroŭka abvinavačvanaj.
Cikava, što na pieršapačatkovym etapie śledstva maci abvinavačvanaj admoviłasia ad dačy pakazańniaŭ, zatym pahadziłasia, ale tanalnaść jaje vykazvańniaŭ u adras dački była bolš maciarynskaj. Hetyja abstaviny siońnia žančyna rastłumačyła tym, što «jakaja jość, ale Ina jaje dačka».
Na śledstvie babula zahinułaha chłopčyka admoviłasia vystupać u jakaści paciarpiełaj pa hetaj kryminalnaj spravie i zajaŭlać u dačynieńni da svajoj dački hramadzianski isk.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary