Jak pieradaje aficyjny sajt «bieła-błakitnych», «Dynama» vystaŭlaje na prodaž administracyjny budynak kłuba płoščaj 631,8 kvadratnych mietra i haraž płoščaj 77 kvadratnych mietraŭ.
U kamientary dla Offside.by pres-ataše «Dynama» Anatol Levaniuk patłumačyŭ, što majomaść pradajecca, kab pakryć daŭhi pierad hulcami, roznymi dziaržaŭnymi orhanami, pierad fondam sacyjalnaj abarony, kudy idzie bolš za ŭsio pastupleńniaŭ ad kłuba.
Finansavyja prablemy ŭ kłuba davoli surjoznyja. Navat licenziju dla ŭdziełu ŭ sioletnim siezonie «Dynama» atrymała ź ciažkaściu. Spačatku kłubu ŭvohule było admoŭlena z-za nievykanańnia finansavych kryteraŭ. A ŭ adnym ź niadaŭnich intervju hałoŭny trenier kamandy, Siarhiej Kavalčuk, kazaŭ, što finansavy stan «Dynama» drenny, i pierśpiektyŭ jaho palepšyć pakul nie bačna.
Ciapier čytajuć
Jak Ksiuša z SMA apynułasia ŭ Domie dziciaci pry žyvoj mamie? Voś što kaža sama maci3
Kamientary