Ukraincy zrabili snajpierski kulamiot z savieckaha DŠK VIDEA
Ukrainskija majstry pierarabili stanok dla savieckaha bujnakalibiernaha kulamiota DŠK i ŭstalavali na jaho aptyčny pryceł, kab atrymać zbroju, jakaja budzie zručnaj dla zmahańnia sa snajpierami praciŭnika, paviedamlaje supołka facebook.com/armstactical.
DŠK — stary saviecki kulamiot kalibru 12,7 mm, jaki važyć 33,5kh biez stanka. Na standartnym stanku jahonaja vaha pieravyšaje 150 kh, što rezka abmiažoŭvaje mabilnaść kulamiotnaha raźliku.
Ciapier kulamiot moža stralać z sošak, i adzin strałok moža mianiać ź im pazicyju, nie padymajučysia ź ziamli. Masa kulamiota z novym ukrainskim stankom — 40,3 kh.
Pry hetym značna bolš lohki stanok dazvalaje vieści trapnuju stralbu, pišuć vyprabavalniki. Dziakujučy kambinacyi mahutnaha patrona i snajpierskaha prycełu, ukraincy atrymali davoli dobruju pryładu dla stralby karotkimi čerhami i adzinočnymi strełami pa celach, jakija znachodziacca na vialikaj adlehłaści ci za nievialikimi pieraškodami.
Pakul linija frontu na Danbasie bolš-mienš stabilnaja, i adbyvajucca ŭ asnoŭnym snajpierskija i artyleryjskija dueli, madernizavany DŠK moža dobra pasłužyć ukrainskim žaŭnieram, jakija jašče nie majuć dadatkovaj kolkaści śpiecyjalizavanych bujnakalibiernych snajpierskich vintovak.
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach8
Kamientary