Na zavodzie mietałakanstrukcyj u Maładziečnie znoŭ zatrymlivajuć zarobak, hetym razam za maj
Paśla zatrymki zarobku za krasavik i dvuchdzionnaj zabastoŭki na Maładziečanskim zavodzie mietałakanstrukcyj zaciahvajuć z vypłataj majskaha zarobku. Jaho pavinny byli vypłacić da 21 červienia, adnak pakul hrošy nie pryjšli. Kiraŭnictva abiacaje raźličycca da kanca hetaha tydnia.
Pra heta FINANCE.TUT.BY raspaviali supracoŭniki pradpryjemstva.
— Znoŭ niama hrošaj. 19 červienia, u piatnicu, bryhadziraŭ sabraŭ načalnik vytvorčaści. Jon patłumačyŭ situacyju, paprasiŭ krychu pačakać, — paviedamiŭ adzin sa zvarščykaŭ. Pavodle jaho słoŭ, hrošy abiacali vypłacić da kanca hetaha tydnia.
Rabočyja mierkavali, što majski zarobak im zatrymajuć, jak i krasavicki, dadaŭ surazmoŭca. Jany nastrojeny rašuča i, pa jaho słovach, napaŭhołasu pahavorvajuć pra novy strajk.
Tym nie mienš, pavodle infarmacyi druhoj krynicy, piersanał pakul stavicca da zatrymki z razumieńniem i ciarpieńniem.
— Pakul hrošy nie dali, paprasili pačakać krychu. Siońnia zakryvajem zakaz, pavinny być hrošy. Siońnia ranicaj źbiaruć bryhadziraŭ, skažuć, jak budziem dalej pracavać. Narod nie chvalujecca.
Hrošy nie vypłacili nie tolki rabočym, ale i inžynierna-techničnamu piersanału MZMK.
— Pakul cierpim, — koratka apisaŭ nastroj kalehaŭ adzin ź ITR.
Nahadajem, 8 i 9 červienia rabočyja zavoda mietałakanstrukcyj u Maładziečnie admovilisia vychodzić na pracu z-za zatrymki krasavickaj zarpłaty. Kiraŭnictva MZMK vyjšła na razmovu ź piersanałam. Videazapis sustrečy patrapiŭ u internet.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary