Rabočym zavoda mietałakanstrukcyj u Maładziečnie paśla spynieńnia imi raboty vypłacili 100% zarobku, na pradpryjemstvie pabyvaŭ Šapira
Pra heta paviedamiŭ «Našaj Nivie» adzin z rabočych, što brali ŭdzieł u prateście.
8 červienia rabotniki maładziečanskaha zavoda mietałakanstrukcyj admovilisia vychodzić na rabotu. Jany patrabavali vypłacić zapazyčanaści pa zarobkach.
Na zavodzie pracujuć 1130 čałaviek. Ludzi nie mieli čym płacić kamunalnyja płaciažy i za sadki dzieciam.
Rabočyja źniali sustreču z kiraŭnictvam pradpryjemstva na videa. Mieniedžary paabiacali raźličycca da kanca tydnia tolki z častkaj pazykaŭ.
«Pierśpiektyva nulavaja, — ščyra pryznała na sustrečy kiraŭnictva. — [Našaj pradukcyi] nie chočuć u Rasii. Zachoŭvajcie hrošy, jakija atrymajecie, tolki na ježu», — sumlenna papiaredzili mieniedžary.
«Vy jašče atrymajecie adzin zarobak u lipieni. Napeŭna, pryjdzie novaje kiraŭnictva i razrulić», — razvodziać rukami jany. A pracavać — «sprava sumleńnia kožnaha z vas». Hetkaja zajava vyklikała rohat rabočych.
«A kali vy zaraz nie pojdziecie pracavać, to zarpłaty nie budzie ŭvohule», — zaścierahli mieniedžary.
Kiraŭniki pradpryjemstva źviazvajuć nadziei z budoŭlaj šachtaŭ budučaha «Słaŭkalija». Adnak mnohija prajekty zamarožanyja ŭ suviazi z abvałam rasijskaj ekanomiki ŭ vyniku sankcyj za ahresiju va Ukrainie.
«Ludzi da taho dažylisia, što chleba niama za što kupić! Paŭhoda ŭžo vo dzie siadzim! Uvajdzicie ŭ naša stanovišča!» — skazaŭ adzin niemałady rabočy.
P.S. Paźniej nam pryjšła infarmacyja, što na pradpryjemstva pryjazdžaŭ staršynia Minabłvykankama Siamion Šapira. Pad jaho pryjezd rabočym vypłacili i reštu zapazyčanaści.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?19
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary