Anamalna mocnaja mahnitnaja bura praciahniecca da 25 červienia
Ale palarnaje źziańnie my možam i nie pabačyć.
Zranku 21 červienia naziralisia dva mocnyja ŭsploski soniečnaj aktyŭnaści, za imi paśledavaŭ mahutny vykid płazmy ŭviečary 22 červienia, piša TASS. Nastupstvy ziamlanie adčuvali z 22 červienia, mahnitnaja bura praciahniecca da 25 červienia ŭklučna.
Moc mahnitnaj bury spadaje. U noč na 23 červienia jana aceńvałasia ŭ 9 bałaŭ pa 9-balnaj škale, pad ranicu spała da 7 bałaŭ. Mahnitnaja bura ŭ noč na 25 červienia budzie jašče słabiejšaj.
Takaja soniečnaja aktyŭnaść u červieni aceńvajecca jak anamalnaja. Apošniaja mahnitnaja bura, paraŭnalnaja pa mocy ź ciapierašniaj, prajšła ŭ kastryčniku 2003 hoda, a apošniaja paraŭnalnaja pa mocy mahnitnaja bura ŭ letnija miesiacy nazirałasia ŭ 1991 hodzie.
«U noč na 23 červienia była prosta hrandyjoznaja mahnitnaja bura, — raspavioŭ «Našaj Nivie» fatohraf i astranom Viktar Małyščyc. — Jašče macniejšaja, čym u sakaviku, kali palarnyja źziańni byli nad usioj Biełaruśsiu».
Ale Małyščyc nie ŭpeŭnieny, ci daviadziecca pabačyć palarnyja źziańni na hety raz: «Bačnaść palarnych źziańniaŭ zaležyć ad mnohich paramietraŭ, i navat pry mocnaj bury moža stacca, što źziańnia vy nie ŭbačycie. U nas zaraz vielmi śvietłyja nočy, Sonca hłyboka pad haryzont nie apuskajecca, tamu kab štości ŭbačyć, treba kab pychnuła sapraŭdy fantastyčna. Być moža, bolš šancaŭ, jak ni paradaksalna, buduć mieć žychary poŭdnia Biełarusi, bo tam nočy ciamniejšyja i daŭžejšyja».
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT10
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1616
Kamientary