Niejrafizijołahi abjadnali mazhi troch małpaŭ i čatyroch pacukoŭ
Mahčyma, tak ludziej navučać abmieńvacca dumkami.
Navukoŭcy univiersiteta Djuka (ZŠA) ŭpieršyniu zdoleli abjadnać mazhi žyviołaŭ u adzin «kampjutar», zdolny vyrašać zadačy, piša New Scientist.
Praz zvyčajny interfiejs mozh-kampjutar małpaŭ padklučyli da roba-ruki. Małpam pryjšłosia sinchranizavać dumki, kab robaruka dastała pačastunak. Mazhi pacukoŭ atrymałasia padklučyć nie tolki da kampjutara, ale i adzin da adnoha.
Naŭprost da mozhu užo padłučajuć pratezy žyvym ludziam (a taksama małpam), ale sinchranizoŭvać dziejańni niekalkich mazhoŭ raniej nie atrymlivałasia.
Daśledčyki padłučyli troch małpaŭ da kampjutara praź interfiejs, što sčytvaje sihnały hałaŭnoha mozhu praz elektrody, i pakazali małpam ekran, na jakim adlustroŭvalisia dziejańni roba-ruki. Kab ruka dastała pačastunak, małpam treba było myślić sinchronna.
Zatym małpam uskładnili zadaču: kožnaja małpa adkazvała za ruch roba-ruki tolki pa adnoj vosi — jak kažuć navukoŭcy, ich «mozhasietka» spraviłasia i z hetym.
Bolš za toje, atrymałasia padłučyć mazhi čatyroch pacukoŭ da kampjutara i adzin da adnoha — pacuki atrymlivali pačastunak za sinchranizacyju dziejnaści mazhoŭ i praz peŭny čas navučylisia myślić sinchronna 61% času.
Ź ciaham času da takich «mozhasietak» stanie možna padklučać i ludziej, miarkujuć navukoŭcy. Heta dapamoža, naprykład, navučyć čałavieka karystacca robapratezam z dapamohaj bolš daśviedčanaha karystalnika prateza, a to i prosta abmieńvacca dumkami na adlehłaści.
Čytajcie taksama: Jakim budzie śviet u 2050 hodzie: 7 cikavych faktaŭ
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ19
Kamientary