23 lipienia nabyli moc źmianieńni i dapaŭnieńni ŭ niekatoryja zakony Respubliki Biełaruś pa pytańniach arhanizacyi hramadskaj i pahraničnaj biaśpieki.
Novaŭviadzieńni ŭ Pracesualna-vykanaŭčy kodeks Respubliki Biełaruś ab administracyjnych pravaparušeńniach byli pryniatyja 10 studzienia 2015 hoda. U adpaviednaści ź imi mytniki atrymali prava štrafavać fizičnych asob za pakinutyja ŭ dakumientach hrošy, nahadvaje pres-słužba DMK.
«Z ulikam źmianieńniaŭ, u vypadku pakidańnia fizičnymi asobami, jakija pierasiakajuć dziaržaŭnuju miažu Respubliki Biełaruś, hrašovych srodkaŭ u dakumientach, što pradjaŭlajucca dla pravierki, a taksama ŭčynieńnia imi dziejańniaŭ, nakiravanych na padbuchtorvańnie słužbovych asob mytnych orhanaŭ da parušeńnia zakanadaŭstva, supracoŭniki respublikanskich punktaŭ mytnaha afarmleńnia, pry najaŭnaści dastatkovych padstaŭ, buduć pačynać u dačynieńni da pravaparušalnikaŭ administracyjny praces», — adznačyła pres-słužba.
Jak padkreśliła pres-słužba, «ciapier za padobnuju «zabyŭčyvaść» pravaparušalniki buduć karacca štrafam da 50 bazavych vieličyń, a pry paŭtornym vypadku — da 100 bazavych vieličyń».
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary