Premjer-ministr Rasii Dźmitryj Miadźviedzieŭ zajaviŭ, što dla ŭstalavańnia miru va Ukrainie ŭsie ŭdzielniki kanfliktu pavinny prajavić hnutkaść: aficyjnyja ŭłady ŭ Kijevie i pradstaŭniki samaabvieščanych respublik na ŭschodzie krainy.
Pra heta kiraŭnik rasijskaha ŭrada zajaviŭ u intervju teleradyjokampanii «Radyjo i Telebačańnie Słavienija» napiaredadni vizitu ŭ Lublanu.
«[Ukrainskaja] ŭłada pavinna prajavić hnutkaść u ramkach minskich damoŭlenaściej, pryniać tyja rašeńni, jakija jany pavinny pryniać, uklučajučy rašeńni, źviazanyja z aŭtanomijami na paŭdniovym uschodzie Ukrainy. Naturalna, apałčency i palityčnyja siły, jakija na paŭdniovym uschodzie dziejničajuć, pavinny prajavić schilnaść da kampramisu i damovicca z ukrainskimi ŭładami», — cytuje intervju Miadźviedzieva RIA Naviny.
«Isnavańnie Ukrainy ŭ sapraŭdny momant zaležyć ad mudraści, ciarpieńnia, taktu, schilnaści da kampramisu i žadańnia damaŭlacca ŭsich tych, chto prymaje rašeńni na terytoryi Ukrainy. Ja maju na ŭvazie i ŭłady ŭ Kijevie, ja maju na ŭvazie i palityčnyja siły na paŭdniovym uschodzie», — dadaŭ rasijski premjer.
U čaćvier viečaram adbylisia druhija za tydzień telefonnyja pieramovy lidaraŭ krain «narmandskaha čaćviorki» pa situacyi na Ukrainie. U chodzie kansultacyj ŭkrainski lidar Piatro Parašenka zajaviŭ pra paharšeńnie situacyi ŭ Danbasie.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary