Krymskaja prakuratura paličyła niedapuščalnym praviadzieńnie muzyčnaha fiestyvalu «Bifuz» (Befooz), jakim raniej było vyrašana zamianić tradycyjny fiestyval elektronnaj muzyki «KaZantip».
U piatnicu pad staršynstvam prakurora Kryma Natalli Pakłonskaj ŭ nahladnym viedamstvie prajšła narada, na jakim abmiarkoŭvałasia zakonnaść praviadzieńnia fiestyvalu.
Štorvaŭski sielsaviet na zachadzie paŭvostrava daŭ zhodu na praviadzieńnie mierapryjemstva, jakoje pavinna było adbycca z 31 lipienia pa 16 žniŭnia.
Na naradzie ŭ prakuratury pradstaŭniki MNS i Rasspažyŭnahladu zajavili, što miesca praviadzieńnia fiestyvalu nie adpaviadaje normam ekspłuatacyi. Rajonnaja prakuratura paličyła, što praduhledžany prodaž śpirtnoha supiarečyć rašeńniu ŭładaŭ paŭvostrava.
Krymskaja prakuratura apratestavała rašeńnie sielsavieta, jaki daŭ zhodu na praviadzieńnie fiestyvalu, i zajaviła, što jon nie zmoža adbycca da likvidacyi parušeńniaŭ.
Fiestyval kłubnaj i elektronnaj muzyki «KaZantip» pravodziŭsia z 1992 pa 2013. Paśla anieksii Kryma Rasijaj u sakaviku 2014 hoda było prapanavana pieranieści fiestyval u Hruziju.
Z 20 pa 26 lipienia pad Sievastopalem pavinien byŭ adbycca inšy muzyčny fiestyval — «Krymfest». Niekalki hrup admovilisia ad udziełu ŭ mierapryjemstvie, u arhanizataraŭ uźnikli techničnyja prablemy, a naviedvalnaść akazałasia vielmi nizkaj.
-
Jeŭrakamisija pradstaviła prapanovy pa 20‑m pakiecie sankcyj suprać Rasii. Jaho majuć pryniać da hadaviny vajny
-
U Pakistanie ździejśnili terakt u miačeci, zahinuli bolš za 30 čałaviek
-
Hienierał Alaksiejeŭ, u jakoha siońnia stralali ŭ Maskvie, datyčny da katavańnia abaroncaŭ «Azoŭstali». Prakapienka: Spravu daviadziom da kanca
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni40
Kamientary