U ZŠA płanujuć uzmacnić cisk na Rasiju za parušeńnie damovy ab skaračeńni rakiet
Bieły dom i Pientahon ŭžo pačali abmiarkoŭvać, jak pavialičyć cisk na Rasiju u suviazi z parušeńniem joju Damovy ab likvidacyi rakiet siaredniaj i małoj dalnaści (RSMD).
Akramia dypłamatyčnych ryčahoŭ mahčymyja miery ŭ ekanamičnaj i vajennaj śfiery.
Pra heta zajaviŭ u paniadziełak u Vašynhtonie Styvien Pajfier, były pamočnik dziaržsakratara ZŠA pa pytańniach Jeŭropy i Jeŭrazii, a ciapier kiraŭnik departamienta kantrolu nad uzbrajeńniami i inicyjatyvy nieraspaŭsiudu Instytuta Brukinhsa.
«Urad ZŠA viadzie dypłamatyčny dyjałoh z Rasijaj, ale jon nie maje pośpiechu na siońniašni dzień, pakolki rasiejcy nie chočuć pryznavać nijakich parušeńniaŭ», — adznačyŭ ekśpiert.
U hetaj suviazi, zaŭvažyŭ jon, u dadatak da dypłamatyčnych namahańniaŭ, «čynoŭniki z administracyi ZŠA ŭžo havorać pra ekanamičnyja i vajennyja srodki».
Amierykanskija słužbovyja asoby pakul adkryta nie kažuć, pra jakija kankretnyja miery idzie havorka. «Dumaju, heta buduć ekanamičnyja sankcyi ŭ dadatak da tych, što ZŠA i ES uviali suprać Rasii na praciahu apošnich 15-ci miesiacaŭ paśla rasijskaj ahresii suprać Ukrainy», — dapuściŭ ekśpiert. Pry hetym jon udakładniŭ, što taki krok pavinien być abaviazkova uzhodnieny z sajuźnikami, u pieršuju čarhu z tymi, jakija znachodziacca ŭ zonie dasiahnieńni rasijskich rakiet.
U Pientahonie taksama razhladajuć mahčymyja abaronnyja dziejańni, jakija možna padzialić na try katehoryi.
Pajfier patłumačyŭ: pierš za ŭsio, idzie havorka pra aktyŭnuju abaronu ad udaraŭ kryłatych rakiet naziemnaha baziravańnia. Druhaja katehoryja, pavodle jaho słoŭ, zaklučajecca ŭ raspracoŭcy mahčymaściaŭ atakavać puskavuju placoŭku rasijskich kryłatych rakiet pierad tym, jak jany buduć zapuščanyja. Akramia taho, u hety kompleks taksama moža ŭvachodzić ŭdar u adkaz pa inšych važnych abjektach.
«Heta toje, što my čujem ad amierykanskich čynoŭnikaŭ. Ale ja dumaju, ZŠA pavinny zrabić jašče sioje-toje», — adznačyŭ Pajfier. U hetym kantekście jon prapanavaŭ, u pryvatnaści, sklikać śpiecyjalnuju kamisiju pa vieryfikacyi, što praduhledžana adnym z punktaŭ Damovy ab RSMD.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2
Kamientary