Košt ryełtarskich pasłuh pa sadziejničańni pry ŭkładańni, vykanańni, spynieńni damovaŭ kupli‑prodažu abjektaŭ nieruchomaści budzie raźličvacca ŭ pracentnych adnosinach ad cany abjekta nieruchomaści, paznačanaj u damovie kupli‑prodažu abjektu.
Alaksandar Łukašenka padpisaŭ ukaz № 140 «Pra ŭniasieńnie dapaŭnieńniaŭ i źmienaŭ u niekatoryja ŭkazy Prezydenta Respubliki Biełarusi», jaki pašyryŭ ramki dziaržaŭnaha rehulavańnia i ŭzmacniŭ kantrol u sfery ryełtarskaj dziejnaści.
Ukazam, u pryvatnaści, praduhledžana, što taryfy na ryełtarskija pasłuhi buduć fiksavanymi, ustaloŭvać ich budzie Saviet Ministraŭ.
Hetak, košt ryełtarskich pasłuh pa sadziejničańni pry ŭkładańni, vykanańni, spynieńni damovaŭ kupli‑prodažu abjektaŭ nieruchomaści budzie raźličvacca ŭ pracentnych adnosinach ad cany abjekta nieruchomaści, paznačanaj u damovie kupli‑prodažu abjekta. Ceny na astatnija ryełterskija pasłuhi buduć pryviazanyja da bazavaj vieličyni.
Dla taho, kab arhanizacyja mahła atrymać licenziju na akazańnie ryełtarskich pasłuh, ciapier treba minimum piać ryełteraŭ, atestavanych ministarstvam justycyi, a nia try, jak raniej.
Arhanizacyjam zabaraniajecca pracavać z ryełterami j ahientami na padstavie hramadzianska‑pravavych damoŭ i damoŭ u inšych ryełtarskich arhanizacyjach.
Dakument dazvolić pavysić abaronu pravoŭ i intaresaŭ hramadzian pry akazańni im pasłuh ahientami nieruchomaści, a taksama budzie spryjać vykaranieńniu złoŭžyvańniaŭ i parušeńniaŭ u hetaj sfery, — paviedamlaje BIEŁTA.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j21
Kamientary