Brytanskaja piśmieńnica Džeki Kolinz i siastra aktrysy Džoan Kolinz pamierła na 78-m hodzie žyćcia ad raku hrudziej u Łos-Andželesie, pieradaje Reuters.
«Ź vielizarnym žalem my paviedamlajem ab śmierci našaj cudoŭnaj, enierhičnaj i adzinaj u svaim rodzie maci, Džeki Kolinz, jakaja siońnia pamierła ad raku małočnaj załozy», — cytujuć ŚMI zajavu siamji piśmieńnicy.
«Jana žyła poŭnym žyćciom i była lubimaja siamjoj, siabrami i miljonami čytačoŭ, jakich ciešyła bolš za čatyry dziesiacihodździ», — adznačajuć svajaki Kolinz.
Siamiejniki prapanujuć adpravić achviaravańni na adras centraŭ pa baraćbie z rakam zamiest kvietak na mahiłu.
Dyjahnaz raku małočnaj załozy čaćviortaj stupieni byŭ pastaŭleny piśmieńnicy šeść z pałovaj hadoŭ tamu. U apošnim intervju 14 vieraśnia, za 6 dzion da śmierci, jana raspaviała, što napisała piać knih i šmat padarožničała z tych časoŭ, jak daviedałasia pra chvarobu. Akramia taho, jana prachodziła poŭny kurs lekavańnia, jaki ŭklučaŭ u siabie chirurhiju, apramieńvańnie i chimijaterapiju.
Žaklin Džył Kolinz pačała svaju karjeru ŭ 1968 hodzie. Znakamitaj jaje zrabiŭ pieršy raman «Śviet poŭny žanatych mužčyn». Ahulny nakład jaje knih pra žyćcio ŭ Halivudzie i złačynny śviet dasiahnuŭ 500 młn kopij. U 2011 hodzie Sunday Times pastaviŭ jaje na piataje miesca ŭ rejtynhu samych bahatych brytanskich aŭtaraŭ z asabistym bahaćciem na $96 młn.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary