Sienatar ad Archanhielskaj vobłaści Kanstancin Dabrynin ŭ paniadziełak ŭnios u Dziarždumu RF zakonaprajekt, u jakim prapanujecca pryraŭniać apraŭdańnie stalinskich represij da ekstremizmu.
Razam z tym u zakonaprajekcie ŭtrymlivajecca farmuloŭka pra toje, što abviaržeńnie abvinavačvańniaŭ savieckaha kiraŭnictva ŭ hienacydzie, parušeńni pravoŭ čałavieka, abo ździajśnieńni «inšych dziejańniaŭ, jakija nie stali abjektam aficyjnaha dziaržaŭnaha asudžeńnia», admaŭleńniem złačynstvaŭ nie źjaŭlajecca i ekstremizmam ličycca nie budzie.
Dakumient taksama pryznaje ekstremisckimi infarmacyjnyja materyjały, jakija «ŭtrymlivajuć apraŭdańnie nieabchodnaści ažyćciaŭleńnia masavych palityčnych represij, departacyj i inšych represiŭnych mier u dačynieńni da narodaŭ» i prapanuje zabaranić «uviekaviečańnie pamiaci ab asobach, jakija majuć dačynieńnie da złačynstvaŭ stalinskaha tatalitarnaha režymu». U pryvatnaści, havorka idzie ab zabaronie nazyvać u ich honar vulicy, administracyjnyja adzinki i stancyi hramadskaha transpartu.
U toj ža čas u dakumiencie havorycca, što «kali dziejučaje najmieńnie źjaŭlajecca histaryčna pieršym, to sam pa sabie fakt zhadki ŭ im pra asob, jakija majuć dačynieńnie da ažyćciaŭleńnia palityki stalinskaha tatalitarnaha režymu, nie źjaŭlajecca dastatkovaj padstavaj dla źmianieńnia nazvy».
U Rasii za apošnija miesiacy adkryta niekalki pomnikaŭ Iosifu Stalinu. Vobraz savieckaha pravadyra taksama vykarystoŭvajecca ŭ vuličnaj rekłamie. Na 2014 hod imiem Stalina ŭ Rasii nazvana 27 vulic.
Ciapier čytajuć
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja6
Kamientary