Pytańni biaśpieki na biełaruska-ŭkrainskaj miažy znachodziacca ŭ centry ŭvahi kiraŭnictva krainy, i Biełaruś zdolnaja vystavić nadziejny zasłon sprobam praniknieńnia bandytyzmu na svaju terytoryju. Pra heta zajaviŭ Alaksandru Łukašenku siońnia ŭ čas razmovy z rabotnikami Biełaruskaha mietałurhičnaha zavoda ŭ Žłobinie.
«Asobnyja da hetaha času halokajuć ab tym, što, voś, my tam vajujem, my vierniemsia, my pakažam. My pakažam im tak, što jany kuvyrkacca buduć znoŭ da Ukrainy, a praz Ukrainu ŭ Čornaje mora, a moža, i dalej. Vy za heta nie pieražyvajcie, budźcie spakojnyja», — zajaviŭ biełaruski lider.
«Z tymi, chto siońnia vajuje, my raźbiaremsia, kali jany viernucca ŭ krainu. Ja ŭsich papiaredziŭ, i na zakanadaŭčym uzroŭni my pryniali rašeńnie: kali ty pajšoŭ vajavać — heta značyć zabivać — nie važna, na baku Danbasa abo suprać jaho, to my ź ciabie spytajem. Heta adzinki, moža, niejkich dva dziasiatki čałaviek. Adzin na Majdanie pavajavaŭ — trup pryvieźli», — zajaviŭ Alaksandr Łukašenka.
Kiraŭnik dziaržavy kanstatavaŭ najaŭnaść peŭnych prablem, jakija prychodziać z Ukrainy, ź jakimi ŭ Biełarusi vymušany zmahacca šlacham ŭmacavańnia pamiežnaj biaśpieki.
«Ja ŭžo nie kažu pra narkotyki … Zbroja, aŭtamaty, bojeprypasy viazuć, sami jeduć siudy. My ŭmacoŭvajem miažu. My jaje całkam zakryli, a ciapier zbudujem inžyniernyja zbudavańni, kab myš nie prapaŭzła. My zabiaśpiečym biaśpieku svajoj krainy», - padkreśliŭ biełaruski lidar.
«Ja mnohich ukraincaŭ viedaju, jakija pryjechali. My starajemsia zabiaśpiečyć usich pracaj. Ale my zaraz budziem vielmi surjozna ŭsich sartavać, kab siudy bandyty nie pryjechali, jakija chočuć destabilizavać abstanoŭku ŭ Biełarusi. A tych, chto pryjechaŭ žyć i pracavać — kali łaska», — zajaviŭ kiraŭnik dziaržavy. Adznačym, što adno z pytańniaŭ kiraŭniku dziaržavy padčas naviedvańnia BMZ zadaŭ mužčyna, jaki nie tak daŭno pryjechaŭ z Ukrainy i ŭ ciapierašni čas pracuje na hetym biełaruskim pradpryjemstvie. Pavodle jaho słoŭ, jon chacieŭ by zastacca ŭ Biełarusi na pastajannaje miesca žycharstva.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary