Kirujučaja ŭ Partuhalii libieralna-kansiervatyŭnaja kaalicyja «Partuhalija, napierad», jakaja składajecca z Sacyjał-demakratyčnaj partyi (SDP) i Narodnaj partyi, atrymała pieramohu na parłamienckich vybarach. Pravacentrysty, apošnija čatyry hady pravodzili palityku žorstkaj ekanomii dla vyvadu krainy z ekanamičnaha kryzisu, nabrali prykładna 37% hałasoŭ paśla padliku 99% biuleteniaŭ, paviedamlaje Associated Press.
Jak zajaviŭ u Lisabonie premjer-ministr Partuhalii Piedru Pasuš Kaeljo, «my painfarmujem prezidenta ab tym, što hatovyja sfarmiravać urad». Lidar hałoŭnaj apazicyjnaj siły, były mer Lisabona Antona Košta pryznaŭ parazu — jaho levacentrysckaja Sacyjalistyčnaja partyja nabrała kala 32%.
Reštu hałasoŭ padzialili pamiž saboj Kaalicyja demakratyčnaha adzinstva pad kiraŭnictvam Žeronimu de Sauzy, jakaja składajecca z Partuhalskaj kamunistyčnaj partyi i Ekałahičnaj partyi «zialonych» (7% hałasoŭ), a taksama Błok levych pad kiraŭnictvam Fransišku Łoŭsa (6%).
Kamientary