Mižnarodnaja kaalicyja na čale z ZŠA płanuje stvaryć u Siryi «hałoŭny front», kab aktyvizavać baraćbu z terarystami «Isłamskaj dziaržavy». Pra heta ŭ paniadziełak piša New York Times sa spasyłkaj na krynicy ŭ Pientahonie i Biełym domie.
«Hałoŭny front» płanujecca stvaryć na paŭnočnym uschodzie Siryi. Heta dazvolić kaalicyi na čale ZŠA akazać cisk na Raku, dzie skancentravany siły bajevikoŭ «Isłamskaj dziaržavy», adznačajuć krynicy vydańnia.
Surazmoŭcy raspaviali, što prezident ZŠA Barak Abama ŭchvaliŭ pieršyja punkty płana nastupalnaj apieracyi. Jany adznačajuć, što Abama ŭpieršyniu sankcyjanavaŭ pramyja pastaŭki bojeprypasaŭ i niekatorych uzbrajeńniaŭ siłam siryjskaj apazicyi. Taksama jon uchvaliŭ ideju naroščvańnia intensiŭnaści avijaŭdaraŭ z tureckich avijabazaŭ. Detali apieracyi pakul nie padrychtavanyja.
New York Times paviedamlaje, što hetyja miery nakiravany na ŭzmacnieńnie siryjskich bajcoŭ, jakija razam z kurdskimi sałdatami prymuć udzieł u nastupalnaj apieracyi pry padtrymcy avijacyi mižnarodnaj kaalicyi.
Apieracyja mižnarodnaj kaalicyi budzie ažyćcioŭlena udalečyni ad vobłaści, dzie pravodzicca vajennaja kampanija Rasii, adznačaje vydańnie.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie48
Kamientary