Sudom Leninskaha rajona Minska byłaja doktarka adnoj sa staličnych paliklinik pryhavoranaja da troch hadoŭ pazbaŭleńnia voli z kanfiskacyjaj majomaści.
Jak paviedamlaje ŭpraŭleńnie pa baraćbie z ekanamičnymi złačynstvami HUUS Minharvykankama, apieratyŭnymi supracoŭnikami HUUS sumiesna z kalehami ź Leninskaha RUUS stalicy byŭ vyjaŭleny fakt nieadnarazovaha atrymańnia chabaru terapieŭtam staličnaj palikliniki. U Leninskaje RUUS z zajavaj pra toje, što 31-hadovaja miedrabotnik palikliniki biare ŭznaharodžańnie za vyrašeńnie pytańnia ab vydačy fiktyŭnych listkoŭ niepracazdolnaści, źviarnuŭsia jaje 34-hadovy pacyjent, jakomu taja vypisvała falšyvyja balničnyja.
Pieršy taki list niepracazdolnaści na piać dzion mužčyna atrymaŭ u studzieni 2014 hoda. Tady heta kaštavała jamu 200 tys. rubloŭ.
U vyniku apieratyŭnych mierapryjemstvaŭ vyśvietliłasia, što nastupny dakumient iłžechvoramu spatrebiŭsia ŭ žniŭni. Košt pasłuh uzros da 300 tys. rubloŭ. Tady mužčyna pracavaŭ ślesaram na staličnym pradpryjemstvie. Zaraz jon nie pracaŭładkavany.
Padčas apieratyŭnaha ekśpierymientu ŭ sakaviku 2015 hoda, pra jaki supracoŭnica palikliniki nie padazravała, ź joju ŭdałosia damovicca ab vydačy fiktyŭnaha balničnaha za 400 tys. rubloŭ.
Pavodle słoŭ načalnika ŭpraŭleńnia pa baraćbie z ekanamičnymi złačynstvami HUUS Minharvykankama pałkoŭnika milicyi Hienadzia Kazakieviča, padčas razboru byłaja terapieŭt pryznałasia ŭ tym, što vypisvała padroblenyja balničnyja, uznaharodžańnie za jakija zaŭsiody ŭstanaŭlivała na svoj pohlad. Vydačaj balničnych listoŭ za hrašovaje ŭznaharodžańnie žančyna zajmałasia sistematyčna.
U dačynieńni da ŭžo byłoha ŭrača Leninskim (Minska) rajonnym adździełam Śledčaha kamiteta byli raspačatyja spravy na padstavie častak 1 i 2 artykuła 430 KK (atrymańnie chabaru).
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary