Jak raskazała staršy inśpiektar pa ahitacyi i prapahandzie adździeła DAI Centralnaha RUUS Anastasija Radźko, avaryja zdaryłasia kala 8.00 na źniešnim kalcy MKAD pobač z akvaparkam.
minsknews.by
«Falksvahien Pasat» ruchaŭsia ŭ druhoj pałasie i zahłuch. Kiroŭca spyniŭsia i adkryŭ dźviery, kab vyjści. U hety momant mima pa treciaj pałasie jechaŭ «Falksvahien Holf». Jaho kiroŭca, kab nie stuknucca ŭ rasčynienyja dźviercy, uziaŭ laviej, ale ŭsio-taki jaje začapiŭ, paśla čaho spyniŭsia.
Praktyčna adrazu ŭ mašyny ŭrezaŭsia spadarožny aŭtamabil «Reno», a ŭ jaho — «Chonda». Prajazdžaŭ mima zdareńnia kiroŭca jašče adnaho «Falksvahiena Pasat» spyniŭsia, kab udakładnić, ci patrebna dapamoha. Adnak raptam mužčyna 1966 naradžeńnia pačuŭsia kiepska, i dapamoha zapatrabavałasia ŭžo jamu: i jaho zabrała chutkaja.
U samym DTZ nichto nie paciarpieŭ.
Kamientary