Jak zmahajecca za žyćcio kurjer, jaki jechaŭ na elektraviełasipiedzie na piešachodnym pierachodzie na zialonaje, ale trapiŭ pad aŭto
23 lutaha ŭ Minsku aŭtamabil źbiŭ kurjera, jaki na zialonaje śviatło jechaŭ na elektraviełasipiedzie pa piešachodnym pierachodzie. Chłopiec atrymaŭ ciažkuju čerapna-mazhavuju traŭmu i ciapier zmahajecca za žyćcio pad stałym dohladam maci.
Historyju svajho brata Dźmitryja prajektu Belrels raskazała jaho siastra. 23 lutaha chłopiec, jaki pracavaŭ u dastaŭcy ježy, jechaŭ na elektraviełasipiedzie pa piešachodnym pierachodzie na zialony sihnał śviatłafora. I ŭ hety momant jaho źbiŭ aŭtamabil Volvo, za rulom jakoha byŭ 41-hadovy mužčyna.
U vyniku sutyknieńnia małady čałaviek atrymaŭ ciažkuju traŭmu. Jak zhadvaje dziaŭčyna, kali jana pryjechała ŭ balnicu, kudy byŭ dastaŭleny Dźmitryj, doktar joj skazaŭ, što ŭ chłopca pierałom čerapa i krovaźlićcio ŭ mozh.
«Da momantu avaryi jon vioŭ paŭnavartasnaje žyćcio. Zaŭsiody byŭ vielmi viasiołym chłopcam, vielmi lubiŭ zajmacca sportam. My časta źbiralisia ŭsie razam, usioj siamjoj. Jon byŭ dla mianie nie tolki bratam, ale i lepšym siabram. Zaŭsiody va ŭsim padtrymlivaŭ», — raskazvaje dziaŭčyna.
Avaryja całkam źmianiła žyćcio chłopca. Praź ciažki stan jon nie moža razmaŭlać, samastojna jeści, absłuhoŭvać siabie. Chłopca dahladaje maci, jakaja znachodzicca ź im 24/7.
Chłopiec prachodzić kurs reabilitacyi. Ale jana jamu dajecca vielmi ciažka. Daktary nie mohuć dać nijakich harantyj na poŭnaje jaho adnaŭleńnie.
«Ja b chacieła pažadać ludziam čaściej havaryć svaim lubimym ciopłyja słovy, canić kožny pražyty dzień, bo nichto nie viedaje, što z nami budzie zaŭtra», — zaŭvažaje dziaŭčyna.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia3
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary