Jeŭrasajuz pavinien adnavić «praktyčnyja adnosiny» z Rasijaj i nie dazvalać ZŠA dyktavać svaju palityku, zajaviŭ kiraŭnik Jeŭrapiejskaj kamisii Žan-Kłod Junkier.

Junkier taksama adznačyŭ, što jon nie zhodny z zajavaj prezidenta ZŠA Baraka Abamy ab tym, što Rasija ŭsiaho tolki «rehijanalnaja dziaržava».
«My pavinny zrabić zachady dla naładžvańnia praktyčnych adnosin z Rasijaj. Heta nie zanadta pryvabna, ale heta treba rabić, my nie možam praciahvać u takim duchu», — skazaŭ Junkier.
Pa słovach kiraŭnika Jeŭrakamisii, da Rasii treba stavicca z pavahaj.
Kiraŭnik kamiteta Dziarždumy pa mižnarodnych spravach Alaksiej Puškoŭ napisaŭ u tvitary, što zajava Junkiera prakładaje šlach da pačatku admieny sankcyj u dačynieńni da Rasii.
«Heta budzie niaprosty praces: jamu budzie supraciŭlacca ŭsia antyrasijskaja Jeŭropa», - napisaŭ Puškoŭ.
Kamientary